Ibrani 5:2 - Taaz Weru Witu u Nunuwu'en Tombulu

² Ni sia é makawawa karia in eluz uman in tumatér sé tou, sé zéi'kan siapa kata'uan wo méikalulu, pahpaan ni sia kangkasii én tou uman si lakez an zéi'kan enté'.

Ibrani 5:2 ပူးပေါင်းရင်းမြစ်များ

Lukas 22:32

Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

2 Korintus 11:30

Sa ni aku mahlooz un touku, niitu un tumuzu'mé ni aku é mahlooz an zéi'kan enté' im wia ni aku.

2 Korintus 12:5

Ni aku toro mahlooz si tou tanu ni sia, taan zéi'kan toro mahlooz un touku. Sa ni aku mahlooz un touku, ni aku é mahlooz an zéi'kan enté' im wia ni aku.

Galatia 4:13

Kagenangan nioupé'la ing katé-taré ni aku i nimangémé wia ni kamu a mahwoka' u Nuwu' Lé'os tumoro si Yesus. In toro niitu ni aku é saki.

Efesus 4:18

Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

Ibrani 12:13

Wo mahlampangla witu u lalan terén, wo tia' un a'é u mahkénto' én ikalésok, taan nimalé'os, un tanu sé tou menou-nou zéi'kampé' uli-ulit mahkiit an ikapaaz ni Opo Empung én zéi'kan ikalulu taan menou-nou uli-ulit mahkiit an ikapaaz-Na.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 2:18

Pahpaan ni Sia in esa é nimazézéhamo i ni Sia pema'wa'en, niitumo ni Sia é makawawa in tumulung ni séra sé wana am pema'wa'en.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

Ibrani 7:28

Pahpaan wana un ukum Torat é méitotoz kura sé tou mahsingkéla' i maéndo Walian Wangko'. Taan un tiwa' méikua ni Opo Empung maapuma un ukum Torat itii i méiwéhé én timotoz si Oki'-Na i maéndo Walian Wangko', si zéi'kan siapa pahséro'an makaz ing kauré-uré.

Ibrani 9:7

Taan um witi tampa kazua um pahkuan Tampa Totoz Lenas, si Walian Wangko' uman si toro muntep witu, makasa uman witu u sana ta'un. Ni sia én zéi'kan mata'u muntep witu sa sia zéi'kan mahalima un zaha' né tatamun sé kinerizo in iragés wia si Opo Empung, in zuméi' a singkéla'na in esa wo a singkéla' né tou Israel an zéi'kan pinahtututu' néra im winangun.

Yakobus 5:19

Katuari-katuariku, sa wéwéhan im wia ni kamu si zéi'mo mahkiit ung kaulitan, am wéwéhan si tou walina nimangunla ni sia i nimawurila sumaup witu ung kaulitan,

1 Petrus 2:25

Pahpaan im puuna ni kamu é masuat wo sé domba méikalulu, taan in tarékan ni kamu é nimawurimomé sumaup wia si Opo Empung, si memimiara sé domba wo mahpiara si roh niou.