Ibrani 5:12 - Taaz Weru Witu u Nunuwu'en Tombulu

¹² Un ulitna, in tarékan ni kamu én orasnamo i maéndo méster. Taan makaz in tarékan ni kamu é memandungpé' sé tou walina i mapata'u wia ni kamu an tutuzu' kataré-taré u nimaéndo to'tolan tumoro um pa'émanen niou witu u Nuwu' ni Opo Empung. Ni kamu é memandungpé' u susu, zéi'kampé' mata'u makailek ang kakanen ketéh.

Ibrani 5:12 ပူးပေါင်းရင်းမြစ်များ

Matius 17:17

Ang kuan ni Yesus, “É kamu in tou zéi'kan ma'éman wo méikalulu. Makaz sawisa ni Aku i memali-mali karia niou? Makaz sawisa ni Aku i mezen wia ni kamu? Ipahwalimé wia'i si koki' itii!”

Markus 9:19

Ang kuan ni Yesus wia ni séra, “É kamu sé tou zéi'kan ma'éman, makaz sawisa ni Aku léwo'zéi' i mento' mahwali-wali karia niou? Makaz sawisa ni Aku léwo'zéi' i mezen wia ni kamu? Ipahwalimé wia'i si koki' itii!”

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.

Roma 3:2

Im wana péléng am péléng é lakez, un ipahpuu-puuna ém pahpaan sé tou Yahudi itiimo sé tinarawésaan u Nuwu' ni Opo Empung.

1 Korintus 14:19

Taan sa ni aku mahtuzu' sé jamaat i ni séra mahragés, ung kapaazkupé' é mahkua a lima nuwu' ang kata'uan in tumuzu' sé tou walina kangkasii, taan ni aku ing kumua mariwu-riwu nuwu' witu u nunuwu'en un akaz uman si Roh Lenas si mata'u.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

Galatia 4:3

Téntu kangkasii ni kita: Sa ung katou-touanta é mahasa-asarpé' sé koki', ni kita ém pahata-atampé' an tinotoz wia ung kaayahan kenu.

Filipi 3:1

Ung kamurian, katuari-katuari, mahpaa-paazola pahpaan nimaesamo karia ni Mahpiara. Ni aku én zéi'kan mahgenang wutez i mantika sumaup a mémoipantika im puuna. Niitumo, niana péléng én isaupkupé'ma im wia'i, pahpaan niitu é lé'os i mangun um pa'émanen niou zéi'kan ikalulu.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

Ibrani 10:32

Taan gena-genangen kura ni kamu im puuna i ni kamu taré ma'émanla wia si Yesus. In toro niitu, lakez an zézéha pinendan nioué, taan ni kamu uli-ulit enté' im wana an zézéha.

Ibrani 5:11

Totozpé' lakez un ipapata'u nai tumoro si Yesus wo si Melkisedek pahpaan ni séra zua ém Walian Wangko', taan susa i mapata'u niitu wia ni kamu pahpaan ni kamu én tahlous ngerez i makatulap niitu.

Ibrani 5:13

Pahpaan sé tou zéi'kampé' mata'u mahtotoz wisa un ulit wo wisa u simala', ni séra én tanu si koki' mahelepé' u susu.

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.

1 Petrus 2:2

Tanumokan si taré itoumé si sekezé é mekisusu, ni kamu kangkasii é léwo'zéi' im paaz un uli-ulit Nuwu' ni Opo Empung um witi kasendukan a méyé. Pahpaan karia in téntu ni kamu é mahtou wo ipiloté im witu un ukuman wana a singkéla'.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.