Ibrani 4:9 - Taaz Weru Witu u Nunuwu'en Tombulu

⁹ Niitumo, wia sé tou ni Opo Empung ém wéwéhampé' u sana endo méiwéhé ni Opo Empung ing kumana' tanu ni Sia ing kimana' witu un endo kapitu.

Ibrani 4:9 ပူးပေါင်းရင်းမြစ်များ

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 11:25

Un ikapaazpé' ni Musa é mazézéha karia né tou ni Opo Empung taan menou-nou i mahpaa-paaz zéi'kan mauréma karia i mahsingkéla'.

Ibrani 3:11

Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaang-Ku ing kumana' karia-Ku.’ ”

Ibrani 4:1

Zozo' un taaz ni Opo Empung i muntep witi tampa makanaan-Na én zéi'kampé' méikana', taan mile-ilek wo tia' im wia ni kamu ém wéwéhan si pahgenangela in ikatula'u wo zéi'kan mata'u muntep witi tampa makanaan itii.

Ibrani 4:10

Pahpaan séi uman sé nimuntepo witi tampa u makanaan-Na itii, ni sia éng kimana'mo im wana péléng am paayangenna, tanu si Opo Empung ing kimana' wana am paayangen-Na.

Ibrani 4:3

Pahpaan ni kita sé ma'éman é mamuntep witu un tampa makanaan, tanu u méikua ni Opo Empung in téntii, “Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaan ing kumana' karia-Ku.’ ” Ni Sia éng kimua in téntu zozo' un tampa itii é méisampet-Namola i niimek-Na rengané ung kaayahan kenu im winangun.

Ibrani 4:8

Pahpaan, sa si Yosua nimahwalimoma sé tou Israel i muntep witu un tampa pahkanaan itii, tantumo si Opo Empung én zéi'kan kumua wia si Daud in tumondong tumoro un endo walina.

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.

Wahyu 14:13

An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”

Wahyu 21:4

Péléng a lué' néra é maisu'en-Na im wana am weren néra. Zéi'mo siapa si maté, zéi'mo siapa si mahpengasi', kaapa mahamé' karia i mahkérét, kaapa mendan u rumara un até. Pahpaan péléng an urémo itii é limangkoioma.”