Ibrani 4:3 - Taaz Weru Witu u Nunuwu'en Tombulu

³ Pahpaan ni kita sé ma'éman é mamuntep witu un tampa makanaan, tanu u méikua ni Opo Empung in téntii, “Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaan ing kumana' karia-Ku.’ ” Ni Sia éng kimua in téntu zozo' un tampa itii é méisampet-Namola i niimek-Na rengané ung kaayahan kenu im winangun.

Ibrani 4:3 ပူးပေါင်းရင်းမြစ်များ

Matius 13:35

Karia in téntu, nimalekepola u Nuwu' ni Opo Empung mengiité si nabi in téntii, “Ni Aku i mahnuwu' wia sé tou lakez éng karia un aandéan. Ni Aku éng kumua a méikawunipé' rengané ung kaayahan kenu im winangun-Ku.”

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Ibrani 3:11

Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaang-Ku ing kumana' karia-Ku.’ ”

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Ibrani 9:26

Pahpaan sa téntu, tantumo ni Sia é léwo'zéi' mazézéha makaz i maté menau-naup rengané ung kaayahan kenu im winangun. Taan wana an endo kaakazan ung kaayahan kenu, ni Sia é makasa uman niméyé i mayo un tou-Na, maéndo raragés in tumubus a singkéla'ta.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.