Ibrani 3:7 - Taaz Weru Witu u Nunuwu'en Tombulu

⁷ Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,

Ibrani 3:7 ပူးပေါင်းရင်းမြစ်များ

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 22:43

A si Yesus meligau sumaup wia ni séra, “Sa téntu, kaa im puuna i si Daud kinawasa ni Roh Lenas ni sia in esa éng kimua sa si Mesias itii én Tuangna. In toro niitu, ni sia éng kimua in téntii,

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 10:3

Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

Kisah Rasul-rasul 8:29

Ang kuan ni Roh Lenas wia si Filipus, “Mangémo wo marumétéla witu ung keréta itii!”

Ibrani 10:15

Tumoro si Yesus Kristus nimaté makasa uman makaz ing kauré-uré i maéndo raragés, si Roh Lenas é mahkua tumoro ung kata'uan-Na wia ni kita mengiit u méikua ni Opo Empung,

Ibrani 3:13

Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.

Ibrani 3:15

Witu um Pinantik Lenas é méipantik in téntii, “In endo kenu, sa kamu tumalinga u nuwu' ni Opo Empung tia' ipahketéh un até niou tanu sé nimaopo niou i mahsaru ni Aku.”

Ibrani 4:7

Pahpaano niitu tinotoz-Namo kasii un endo walina, niitumo un “endo kenu”. Wana an ta'un timondongé méikua ni Opo Empung mengiité si Daud witu um Pinantik Lenas in téntii, “Witu un endo kenu, sa kamu tumalinga u Nuwu' ni Opo Empung, tia' ipahketéh un até niou!”

Ibrani 9:8

Mengiit an tinotoz itii si Roh Lenas é mapata'umé, u lalan mangé witi Tampa Totoz Lenas itii én zéi'kampé' mawuka sa un tampa lenas memitu-mitupé'.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.