Ibrani 2:9 - Taaz Weru Witu u Nunuwu'en Tombulu

⁹ Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

Ibrani 2:9 ပူးပေါင်းရင်းမြစ်များ

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 6:28

Kaa kamu paharétan tumoro ung karaien? Amoké ileken nioua am wunga bakung witi kapelasan, am wunga itii mahtoumé zéi'kan mahpaayang wo zéi'kan mahwangun wanang,

Markus 9:1

A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”

Lukas 9:27

Uli-ulit ikua-Kuma wia ni kamu, ‘Im wia ni kamu im wia'i, wéwéhan sé zéi'kampé' nimaté sa zéi'kampé' nimilek ung Kakolanoan ni Opo Empung.’ ”

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 10:17

Si Ama' rumaraaté ni Aku pahpaan ni Aku nimayo ung katou-touang-Ku, wo niitu toro kailekang-Ku sumaup.

Yohanes 12:32

Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.”

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

Roma 5:18

Niitumo, pahpaan u singkéla' ni Adam péléng sé tou makailek un ukuman. Téntu kangkasii, pahpaan ung kaulitan winangun ni Yesus Kristus, péléng sé tou niéndo ulit é makailek ung katou-touan.

Roma 5:8

Taan si Opo Empung é mapailek u raraatéan-Na wia ni kita karia ung kenu: I ni kita mahsingkéla'pé', si Kristus é nimaté pahpaan ni kita.

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

2 Korintus 5:15

Si Kristus nimatémo pahpaan péléng sé tou, wo ni séra sé menou-noupé' wia ung kaayahan kenu, ung katou-touan néra én zéi'mo anu néra taan anumo ni Kristus, si nimatémo wo méitoumomé sumaup ni Opo Empung pahpaan ung kawangunan néra.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

1 Timutius 2:6

Ni Sia niméhémo un tou-Na in tumubus péléng sé tou. Niitu un tumuzu'mé un endo tinotoz ni Opo Empung.

Ibrani 1:9

Ni Ko én totoz paaz un zéi'kan mahsanaweka wo totoz mazi'zis u mahsanaweka; niitumo si Opo Empung, si Opo Empung-Mu é niméléng ni Ko wo niméhé wia ni Ko u sisigi'an u mahalimé a makapaazen, lumousé sé kakaria-Mu.”

Ibrani 10:5

Niitumo, i si Kristus niméyé wia ung kaayahan kenu, ni Sia éng kimua wia si Opo Empung, “Sé tatamun sé kinerizo wo a raragés walina éng kasoo-Mu taan niimek-Mumo un awak-Ku i maéndo raragés.

Ibrani 11:5

Pahpaan i ma'éman, si Henokh zéi'kan nimendané um patéan wo ni sia ém winénéta ni Opo Empung mangé witi kasendukan, niitumo zéi'kan siapa si nimilek ni sia. Wo puunala sia im winénéta mangé witi kasendukan, si Opo Empung éng kimua i ni sia én ikapaaz-Na.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 2:7

Winangun-Mu si tou im wawa'pé'mé oki' im wia sé malaekat, taan zéi'kan mauréma, wo im wia sé winangun-Mu walina ni sia én tanumokan sé kolano sé pahloozen wo pahsigi'en,

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Ibrani 8:3

Péléng sé Walian Wangko' én tinotozo i mengangali sé tatamun kinerizo wo mahwéhé a raragés wia si Opo Empung. Niitumo, si Yesus, si Walian Wangko'ta é léwo'zéi' im wéwéhan un iragés-Na.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

Wahyu 19:12

Um weren-Na én tanumokan u layasna un api wo witu um wawo un ulu-Na é lakez am poporongen né kolano wo im wia ni Sia ém pinantikan ngaran un zéi'kan siapa si mata'u, akaz uman ni Sia in esa si mata'u.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.