Ibrani 2:5 - Taaz Weru Witu u Nunuwu'en Tombulu

⁵ Sé malaekat én zéi'kan makailek ung kawasa ni Opo Empung i merénta ung kaayahan weru u mawia in tumondong um wangunen ni Opo Empung, um pahkuantala kenu.

Ibrani 2:5 ပူးပေါင်းရင်းမြစ်များ

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 6:5

Ni séra kangkasii é nimé'annomé u lé'osna u Nuwu' ni Opo Empung wo nimé'annomé ang kawasa-Na, a mamualimokan i nimawerumoma ung kaayahan,

2 Petrus 3:13

Taan ni kita sé ma'éman é ma'ento' u langit weru wo ung kaayahan weru u méitaaz ni Opo Empung, u mapahwéha-wéhan né tou niéndo ulit ni Opo Empung.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”