Ibrani 11:6 - Taaz Weru Witu u Nunuwu'en Tombulu

⁶ Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 11:6 ပူးပေါင်းရင်းမြစ်များ

Matius 11:26

Niitu u nimangun un até ni Ama' i mahpaa-paaz.”

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Matius 6:5

“Sa ni kamu mengaléi én tia' tanu sé tou mahgau-gau lé'os i mengaléi. Ni séra sa mengaléi én totoz paaz mererendai witu un untep am walé peraragésan né tou Yahudi wo wana ang kaéngkolan a lalan, wo séra pahilekené né tou. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Markus 16:17

Sé tou ma'éman é mangun a makakompo'en kenu: Moho sé sétang karia u ngaran-Ku, mahnuwu' a nunuwu'en walina an zéi'kampé' pinahnuwu-nuwu' nérala,

Lukas 12:31

Taan penérompé'la ung Kakolanoan ni Opo Empung, wo péléng niana én iawes wia ni kamu.

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Roma 10:14

Taan, kura kahuman sé tou toro mekisawang wia ni Sia sa séra zéi'kampé' ma'éman ni Sia? Kura séra ma'éman ni Sia sa ni Sia én zéi'kampé' pinahtali-talinga nérala? Kura séra in tumalinga tumoro ni Sia sa zéi'kan siapa sé mapata'u tumoro ni Sia?

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Ibrani 4:2

Tanu ni kita ém pinapata'uan u nuwu' makapaazen, téntu kangkasii sé nimaopota ém pinapata'uano u nuwu' makapaazen, taan u nuwu' tinalinga néramo itii én zéi'kan siapa torona im wia ni séra, pahpaan ni séra én zéi'kan ma'éman u nuwu' itii.

Ibrani 4:6

Pahpaano niitu, mémoikatuzu'mé im wéwéhan sé woopira sé maikauntep witu un tampa makanaan itii. Taan wia sé nimaopota sé puuna timalinga u nuwu' makapaazen itii, zéi'kan nimuntep witu un tampa makanaan itii, pahpaan ni séra é soo mahtali-talinga wia si Opo Empung.

Ibrani 7:19

Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

2 Petrus 1:5

Pahpaano niitu, uli-ulit pahtututu'en nioula im pahawesala um pa'émanen niou karia ung katou-touan wangun, wo ung katou-touan wangun ém pahawesala karia ung katulapan tumoro si Opo Empung,

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”