Ibrani 11:16 - Taaz Weru Witu u Nunuwu'en Tombulu

¹⁶ Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 11:16 ပူးပေါင်းရင်းမြစ်များ

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Markus 12:26

Téntu kangkasii tumoro sé nimaté in itou sumaup ni Opo Empung, zéi'kankuaa binaca niouola witu ung kitap ni Musa tumoro un zukut menulah u mahlayas, i si Opo Empung kimua wia si Musa, ‘Ni Akumo si Opo Empung ni Abraham, Opo Empung ni Ishak wo Opo Empung ni Yakub?’

Markus 8:38

Pahpaan im wia sé tou zéi'kan ma'éman wo mahsingkéla' kenu, séi uman si maizang makaulit i mahkii-kiit ni Aku wo pahpaan an ipahkua-Ku, si Oki' ni Tou kangkasii é maizang pahpaan si tou itii, i ni Sia méyé sumaup karia ung kawangko'an ni Ama'-Na kinariamé né malaekat lenas.”

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 20:37

Tumoro sé nimaté in itou sumaup ni Opo Empung, si Musa witu um pinantikna witu u sirita tumoro un zukut menulah u mahlayas éng kimua i si Mahpiara é si Opo Empung ni Abraham, Opo Empung ni Ishak wo Opo Empung ni Yakub.

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Kisah Rasul-rasul 7:32

‘Ni Akumo si Opo Empung pa'émanen né nimaopomu, si Opo Empung pa'émanen ni Abraham, ni Ishak wo ni Yakub.’ In timalingamé u nuwu' itii, si Musa é mahgerger wo maindé'mo i milek witu.

Filipi 3:20

Ni kita é méikarékéno in tou ni Opo Empung si witi kasendukan. Karia in téntu, in tarékan ni kita é ma'ento' si Yesus Kristus i mawurimé sumaup im witi kasendukan, ni Sia si nimiloto ni kita im witu un ukuman wana a singkéla'.

2 Timutius 4:18

Si Yesus Mahpiara é milot ni aku im wana ang genang léwo' né tou wia ni aku. Ni Sia é milot ni aku wo mahwali ni aku i muntep witu ung Kakolanoan-Na witi kasendukan. U sigi wo looz wia uman ni Sia makaz ing kauré-uré! Amin.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Ibrani 11:14

Ni séra sé kimua i limepuh umané im wia ung kaayahan kenu én tumuzu'mé i ni séra én totoz malelo i menéro un tana' u maéndo anu néra.

Ibrani 11:40

Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 2:11

Si Yesus si limenas sé tou ma'éman wo ni séra sé linenas-Na ém péléng wia si Esa Ama' a méyé, ni Siamo si Opo Empung. Niitumo, si Yesus én zéi'kan maizang i mahkua ni séra ing katuari-Na.

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.