Ibrani 11:1 - Taaz Weru Witu u Nunuwu'en Tombulu

¹ Um pa'émanen én téntii: totoz ing kata'uanta sa péléng am pahéré'anta wia si Opo Empung éng kailekanta, zozo' in zéi'kampé' pahilekentala taan totoz ing kata'uanta ni kita é lamakailek niitu.

Ibrani 11:1 ပူးပေါင်းရင်းမြစ်များ

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

1 Korintus 13:13

In tarékan, un telu kenu u léwo'zéi' sekezé ém pahwangunenta: ma'éman wia ni Sia, mahéré' uman wia ni Sia wo u raraatéan. Witu un telu itii, un totoz wangko' é raraatéan.

2 Korintus 11:17

In tarékan ni aku é mahlooz un touku, taan zéi'kan méiatu ni Mahpiara ni aku i mahkua un téntu. I ni aku mahlooz un touku tanu niitu, ni aku é mahasa-asar sé tou lemou.

2 Korintus 4:18

Pahpaano niitu, ni kai én zéi'kan mahwéhé genang wana am pahileken wia ung kaayahan kenu, pahpaan am wia ung kaayahan én zéi'kan makaz ing kauré-uré. Taan am pahwéhan nai genang an zéi'kan kailekan, am witi kasendukan a méyé u makaz ing kauré-uré.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

2 Korintus 5:7

Pahpaan ni kai i menou-nou wia ung kaayahan kenu, ung katou-touan nai é mahkiit um pa'émanen nai wia si Kristus, zéi'kan mahkiit am pahileken nai.

2 Korintus 9:4

Én taa sé tou Makedonia i mahwalimé kariaku méyé wia ni kamu, ang kata'uan nérala i ni kamu én zéi'kampé' riméwok an zoit sasawang, ni kai én totoz maizang. Pahpaan mémoikua nai wia ni séra i ni kamu én timotozola i sumawang. Sa téntu maan ni kamu kangkasii é maizang.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 10:39

Ni kita én zéi'kan tanu sé tou timula'umoma ni Sia wo lamaléwo', taan ni kita én tou ma'éman wo maipilot im witu un ukuman wana a singkéla'.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 11:27

Pahpaan i ma'éman, si Musa timula'uma un tana' Mesir. Ni sia i nimangé én zéi'kan maindé' un upi' ni kolano né Mesir taan pahpaan ni sia én tanu mahilekoma si Opo Empung si zéi'kan kailekan itii.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Ibrani 3:6

Taan si Kristus in Oki' ni Opo Empung é si mahwangun a méiatu ni Opo Empung im witu um walé-Na wo ni kitamo um walé-Na itii, sa kita zéi'kan mazéi' in totoz ma'éman wo niméré' uman un iwéhémé ni Opo Empung u mangun ni kita i mahpaa-paaz.

Ibrani 6:12

Kasoo nai ni kamu i maéndo tou sé soo kumura. Taan ikapaaz nai ni kamu menou-nou tanu sé tou nimakailek u méitaaz ni Opo Empung pahpaan ni séra é ma'éman ni Sia wo pahpaan ung kaezenan néra.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.