Ibrani 10:4 - Taaz Weru Witu u Nunuwu'en Tombulu

⁴ Pahpaan zéi'kan mamuali un zaha' ni sapi tuama wo un zaha' ni kambing tuama in zuméi' a singkéla' né tou.

Ibrani 10:4 ပူးပေါင်းရင်းမြစ်များ

Markus 12:33

U rumaraaté si Opo Empung karia péléng un até wo karia péléng ung genang, wo karia péléng ung ketez wo kangkasii u rumaraaté si kasuat tou tanu i rumaraaté un tou in esa é lumouspé'mé in ipahpuu-puuna taan péléng sé tatamun tinunu in ipahragés kaapa a raragés walina.”

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Roma 11:27

Wo kenumo um pinataazan-Ku karia néra in oras ni Aku zuméi' a singkéla' néra.”

Ibrani 10:1

A méipantik witu un ukum Torat én tanumokan um wangun u mahéyé taan zéi'kan totoz masuat karia un ulitna um wangun itii. Sa ikiit un ukum Torat, sekez in ta'un, sé tou paaz marumété wia si Opo Empung é léwo'zéi' i mahalima sé tatamun kinerizo in iragés, taan un ukum Torat itii én zéi'kan mamuali i mangun sé tou maéndo zéi'kan siapa pahséro'an.

Ibrani 10:11

Sekez in endo péléng sé walian é mahpaayang am paayangen néra wo menau-naup mahkeriz sé tatamun sé masuat in iragés. Taan un ipahragés néra én zéi'kan mamuali in zuméi' a singkéla'.

Ibrani 10:8

Witu um Pinantik kataré, si Kristus éng kimua, “Sé tatamun kinerizo wo a raragés walina, sé tatamun pahtunun wo sé tatamun kinerizo in zuméi' a singkéla' én zéi'kan wangun wia ni Ko wo kasoo-Mu”, zozo' am pahragés itii ém pahwangunen tanu u méipantik witu ung kitap Torat.

Ibrani 9:9

Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.