Ibrani 10:11 - Taaz Weru Witu u Nunuwu'en Tombulu

¹¹ Sekez in endo péléng sé walian é mahpaayang am paayangen néra wo menau-naup mahkeriz sé tatamun sé masuat in iragés. Taan un ipahragés néra én zéi'kan mamuali in zuméi' a singkéla'.

Ibrani 10:11 ပူးပေါင်းရင်းမြစ်များ

Ibrani 10:1

A méipantik witu un ukum Torat én tanumokan um wangun u mahéyé taan zéi'kan totoz masuat karia un ulitna um wangun itii. Sa ikiit un ukum Torat, sekez in ta'un, sé tou paaz marumété wia si Opo Empung é léwo'zéi' i mahalima sé tatamun kinerizo in iragés, taan un ukum Torat itii én zéi'kan mamuali i mangun sé tou maéndo zéi'kan siapa pahséro'an.

Ibrani 10:4

Pahpaan zéi'kan mamuali un zaha' ni sapi tuama wo un zaha' ni kambing tuama in zuméi' a singkéla' né tou.

Ibrani 5:1

Péléng sé Walian Wangko' ém pinéléng im wia sé tou i sumawel sé tou lakez, mapaayo péléng an ipapaayo néra wia si Opo Empung wo maayang i méhé a raragés wo mahali sé tatamun sé kinerizo, sé iragés né tou wia si Opo Empung i mahaléi ampungan wana a singkéla'.

Ibrani 7:27

Ni Sia én zéi'kan tanu sé walian wangko' walina sé sekez in endo é mengangali sé tatamun kinerizo in iragés in zuméi' a singkéla' néra in esa wo taré mangun un téntu in zuméi' a singkéla' né tou. Pahpaan, niitu ém winangun-Namomé makasa uman makaz ing kauré-uré, i ni Sia nimayo un tou-Na in esa i maéndo raragés in zuméi' a singkéla' né tou.

Ibrani 8:2

Ni Sia si mahpaayang am paayangen ni Walian Wangko' witi tampa totoz lenas witi ténda pahento'an ni Opo Empung witi kasendukan. Un ténda itii ém winangun ni Opo Empung, zéi'kan winangun né tou.

Ibrani 8:4

Sa si Yesus memia-miapé' wia ung kaayahan kenu, ni Sia én zéi'kan maéndo walian, pahpaan wia ung kaayahan kenu ém wéwéhan sé tinotozo i maéndo walian i mahali a raragés, mengiit un ukum Torat.