Filipi 4:4 - Taaz Weru Witu u Nunuwu'en Tombulu

⁴ Mengalé-ngaléi uman ni kamu péléng sekezé é mahpaa-paaz pahpaan nimaesa karia ni Yesus Mahpiara! Isaupkupé'ma: Mahpaa-paazola!

Filipi 4:4 ပူးပေါင်းရင်းမြစ်များ

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Kisah Rasul-rasul 16:25

Im woo wengi uré, si Paulus wo si Silas mahmengaléi wo mahkantar a lolooz wia si Opo Empung. Sé tou walina sé binui é mahtalinga ni séra zua.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

Galatia 1:8

Zozo' im wia ni kai kaapa si malaekat witi kasendukan si mahwoka' wia ni kamu u nuwu' lé'os walina un zéi'kan masuat karia u Nuwu' Lé'os tumoro si Yesus u méipahwoka' nai wia ni kamu, ni sia é makailek un epa' ni Opo Empung.

Filipi 2:18

Téntu kangkasii ni kamu, mahpaa-paazla tanu niitu wo mahpaa-paazola kariaku.

Filipi 3:1

Ung kamurian, katuari-katuari, mahpaa-paazola pahpaan nimaesamo karia ni Mahpiara. Ni aku én zéi'kan mahgenang wutez i mantika sumaup a mémoipantika im puuna. Niitumo, niana péléng én isaupkupé'ma im wia'i, pahpaan niitu é lé'os i mangun um pa'émanen niou zéi'kan ikalulu.

1 Petrus 4:13

Taan, ni kamu é mahpaa-paazola, pahpaan an zézéha itii én tanu an zézéha pinahpendané ni Kristus. Karia in téntu, i si Kristus méyé sumaup wo mapailek ung kawangko'an-Na, ni kamu én toro mahpaa-paaz makaz i mahkonta-konta'.