Filipi 4:10 - Taaz Weru Witu u Nunuwu'en Tombulu

¹⁰ Si Mahpiara si nimangun ni aku totoz mahpaa-paaz pahpaan ni kamu é mahgenang ni aku. Kata'uangku ni kamu sekezé é mahgenangé ni aku taan pahpaan ni kamu én zou'ma im wia ni aku, niitumo ni kamu én zéi'kan mata'u mésumawang ni aku.

Filipi 4:10 ပူးပေါင်းရင်းမြစ်များ

2 Korintus 11:9

Sa am pemandungengku én zéi'kan wutul i mahwali-wali karia niou, zéi'kan kawisa aku sumusa si esa im wia ni kamu. Pahpaan, péléng am pemandungengku én ipahwéhémé né katuari esa pa'émanen sé witi Makedonia a méyé. Ni aku én totoz tégam im wana am péléng, én taa ni aku maéndo pengalin im wia ni kamu. Téntu u mawangunengku.

2 Korintus 6:7

Ni kai é mahtuzu' uman an ulit karia ung kawasa ni Opo Empung. Un ulit pahwangunen nai niitu masuat wo u nimaéndo ipahkoro' i mahsaru sé tou kaapa ing kumelung un tou nai.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

Galatia 6:6

Si tou si nimakailek an tutuzu' tumoro u Nuwu' ni Opo Empung, péléng am wangun ang kinailekannamé é léwo'zéi' im pahwéténgla wia si niméhémé an tutuzu' tumoro u Nuwu' ni Opo Empung itii.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 1:3

Sekez aku ikagenanga ni kamu, ni aku éng kumua u makasé wia si Opo Empungku.

Filipi 2:30

Pahpaan ni sia ém woanokan a maté i mahpaayang wia si Kristus, wo ni sia én zéi'mo mahgenang un touna i mahwuwutul am pemandungengku an zéi'kan mata'u wangunen niou, pahpaan ni kamu én zou'ma im wia ni aku.