Filipi 3:9 - Taaz Weru Witu u Nunuwu'en Tombulu

⁹ Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

Filipi 3:9 ပူးပေါင်းရင်းမြစ်များ

Matius 9:13

Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Roma 10:10

Pahpaan karia un até si tou é ma'éman wo éndon ulit, wo karia u sumah si tou é makaulit i si Yesus é Mahpiara, ni sia én ipilot im witu un ukuman wana a singkéla'.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

Roma 5:21

Niitumo, im puuna sé tou menou-nou kinawasa u singkéla', niitu kangkasii u nimahwali ni kita witu um patéan. Téntu kangkasii, pahpaan ung kamang méitambér ni Opo Empung éng kimawasa wia ni kita, ni kita é niéndo ulit i makailek ung katou-touan makaz ing kauré-uré, pahpaan si Yesus Kristus Mahpiarata.

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Filipi 3:6

Tumoro um wuaya im pahwangunengku, ni aku ém mahzézéha sé tou ma'éman si Yesus Kristus, wo tumoro ung kaulitan pahwangunengku, ni aku én uli-ulit mahkiit un ukum Torat, niitumo zéi'kan siapa tou si toro mapahsasala' ni aku.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

1 Yohanes 3:4

Si tou mahwangun a singkéla', ni sia kangkasii é mahsaru an tinotoz ni Opo Empung, pahpaan u singkéla' é mahsaru an tinotoz ni Opo Empung.