Filipi 2:30 - Taaz Weru Witu u Nunuwu'en Tombulu

³⁰ Pahpaan ni sia ém woanokan a maté i mahpaayang wia si Kristus, wo ni sia én zéi'mo mahgenang un touna i mahwuwutul am pemandungengku an zéi'kan mata'u wangunen niou, pahpaan ni kamu én zou'ma im wia ni aku.

Filipi 2:30 ပူးပေါင်းရင်းမြစ်များ

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Roma 16:4

Ni séra én tawi maté i mahsawang ni aku. Zéi'kan ni aku uman si kumuama u makasé wia ni séra taan karia péléng sé sanahréréwok jamaat zéi'kan tou Yahudi kangkasii éng kumuama u makasé wia ni séra.

1 Korintus 15:53

Pahpaan un awakta un toro maléwo' é mangé walinan makaz in zéi'mo maléwo' wo u mamaté kenu é léwo'zéi' sawelan karia un zéi'mo maté.

1 Korintus 16:10

Sa mawanala si Timotius, sungkulela sia lumé'o-lé'os wo sia zéi'kan maindé' ing kimaria ni kamu, pahpaan ni sia kangkasii én tanu ni aku, mahpaayang a méiatu ni Mahpiara.

1 Korintus 16:17

Ni aku én totoz mahpaa-paaz pahpaan si Stefanas, si Fortunatus wo si Akhaikus i niméyé wia ni aku. Pahpaan ni séra i niméyé é simawel ni kamu im wia'i.

2 Korintus 12:15

Niitumo, kapaazku i méhé péleng an anuku i sumawang ni kamu, taka-takazan ung katou-touangku én iwéhéku i sumawang ni kamu. Téntu um wangunengku i mapailek i ni aku én totoz rumaraaté ni kamu, taan ni kamu én zéi'kan tahlous rumaraaté ni aku.

2 Korintus 4:12

Niitumo, ni kai sekezé é mahsaru un toro mahwali ni kai witu um patéan, taan ni kamu sekezé é nimasaruan karia an toro mahwali ni kamu witu ung katou-touan.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

Filipi 2:27

Ni sia én ulit saki wo tawimo maté, taan si Opo Empung é rumaraaté ni sia. U raraatéan ni Opo Empung én zéi'kan uman wia ni sia taan kangkasii wia ni aku, wo un atéku zéi'kan tahlous rumara.

Filipi 4:10

Si Mahpiara si nimangun ni aku totoz mahpaa-paaz pahpaan ni kamu é mahgenang ni aku. Kata'uangku ni kamu sekezé é mahgenangé ni aku taan pahpaan ni kamu én zou'ma im wia ni aku, niitumo ni kamu én zéi'kan mata'u mésumawang ni aku.

Filipi 4:18

In tarékan si Epafroditus é nimahalimomé a raragés méiwéhé nioué wia ni aku, niitumo ni aku nimakailekomé péléng am pemandungengku um wia ni kamu a méyé. Lumouspé'tarémé niitu é malake-lakezo a méiwéhé nioué. A méiwéhé nioué én totoz wangun wo niitu én tanu u raragés mahwou tariis ung kapaaz ni Opo Empung.

Filemon 1:13

Un ulitna kapaazku ni sia é mahwia-wia sumawel ni ko, i sumawang ni aku im wiapé' um bui pahpaan mahwoka' u Nuwu' Lé'os tumoro si Yesus wia sé tou.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.