Filipi 2:29 - Taaz Weru Witu u Nunuwu'en Tombulu

²⁹ Niitumo, sungkulela sia karia i mahpaa-paaz pahpaan ni sia éng katuari esa pa'émanen wo pahsigi'ela sé tou tanu ni sia.

Filipi 2:29 ပူးပေါင်းရင်းမြစ်များ

Lukas 9:5

Taan sa wéwéhan sé soo sumungkul ni kamu, mondolé im witu um wanua tua'na néra, itangkaré an awu wana an a'é niou i mapagenang wia ni séra i si Opo Empung é mukum ni séra.”

Yohanes 13:20

Uli-ulit ikua-Kuma wia ni kamu: Séi uman si simungkul si tou méiatu-Kumé, ni sia é simungkul ni Aku. Wo séi uman si simungkul ni Aku, ni sia kangkasii é simungkul ni Sia si nimatumé ni Aku.”

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 28:10

Sé tou witu én totozo mahsigi' ni kai. I ni kai mangémo, péléng am pemandungen nai ém pinakaimek nérala.

Kisah Rasul-rasul 8:8

Niitumo, sé tou witi wanua tua'na itii én totoz mahpaa-paaz.

Roma 10:15

Wo kura sé tou i mapata'u tumoro ni Sia sa zéi'kan siapa si iatu? Witu um Pinantik Lenas é méipantik in téntii, “O ndoon ka totoz makapaazen i niméyé sé mahalimé u Nuwu' Lé'os ni Opo Empung!”

Roma 16:2

Sungkulen nioula sia pahpaan i nimaesa karia ni Mahpiara, tanu um pahwangunen né tou ni Opo Empung. Wo sawangala sia sa wéwéhan am pemandungenna, pahpaan lakezo sé sinawanganna, kariamo ni aku.

1 Korintus 16:10

Sa mawanala si Timotius, sungkulela sia lumé'o-lé'os wo sia zéi'kan maindé' ing kimaria ni kamu, pahpaan ni sia kangkasii én tanu ni aku, mahpaayang a méiatu ni Mahpiara.

1 Korintus 16:18

Ni séra é nimenté' un atéku wo an até niou. Niitumo, totoz pahsigi'en nioula sé tou tanu ni séra.

2 Korintus 10:18

Pahpaan zéi'kan si tou mahlooz un touna in esa si ulit im witu u sinaru ni Opo Empung, taan si tou pahloozen ni Opo Empung.

2 Korintus 7:2

Katuari-katuari, sungkulené kai karia u raraaté. Ni kai én zéi'kan siapa sinala'la wia si séi uman, zéi'kan siapa zozo' in esa si tou tinowoan nai wo zéi'kan siapa zozo' in esa si tou niéndoan nai kauntungan.

Filipi 2:28

Niitumo kapaazku matuma ni sia i rewek mawurima sumaup wia ni kamu, wo sa kamu milekla ni sia, ni kamu én toro mahpaa-paaz wo ni aku kasii é maluasa.

Kolose 4:10

Si Aristarkhus, si binui kariaku é mapaayoma u sigi'na wia ni kamu. Téntu kangkasii si Markus, si oki' né mahtuari wo si Barnabas. (Tumoro ni sia ni kamu é nimakaileko um perénta; sa sia méyé wia ni kamu, sungkulela sia.)

1 Tesalonika 5:12

Katuari-katuari, pahaléien nai wia ni kamu, wo ni kamu mahsigi'la sé tou sé nimahtututu'mola mahpaayang im wia ni kamu. Ni séra mahahkit wo mahsésa wia ni kamu, wo menou-nou nimaesa karia ni Mahpiara.

1 Timutius 5:17

Sé penatua sé uli-ulit mahpaayang am papaayangen néra é léwo'zéi' makailek u sisigi'an u makazuamé, lumouspé' kasiimé é sé siga' i mahwoka' u Nuwu' ni Opo Empung wo i mahtuzu' sé jamaat.

Ibrani 13:17

Pahtali-talingala sé tonaas niou wo mahkii-kiitla ni séra, pahpaan si Opo Empung si niméhé um paayangen wia ni séra in tuméiz um pa'émanen niou in tou mahwangun a méiatu ni Opo Empung. Karia in téntu, ni séra i mahtéiz um pa'émanen niou éng karia i mahpaa-paaz, zéi'kan karia i mema'o-ma'os. Pahpaan sa séra mema'o-ma'os, um pahpaayangen néra én zéi'kan siapa torona im wia ni kamu.

3 Yohanes 1:10

Pahpaan niitumo, sa aku mangé wana, pahaléiengku, péléng am pinahwangunnama ém pahwéhanla genang. Pahpaan an ipahkuana én zéi'kan ulit wo wayaan uman ung kanuwu'an tumoro ni kai. Ni sia én zéi'kan uman soo mahsungkul sé katuari esa pa'émanen sé mahéyé, taan pahséro'enna kasii sé jamaat mahsungkul ni séra, wo sa wéwéhan sé jamaat mahsungkul sé katuari esa pa'émanen sé mahéyé, sé simungkula itii én ipahondolnamé im wia sé jamaat.