Filipi 1:25 - Taaz Weru Witu u Nunuwu'en Tombulu

²⁵ Tumoro ung kenu én totoz ing kata'uangku: I ni aku é memia-mia wo mamemali-mali karia niou péléng i sumawang ni kamu, wo kamu kaenté'na wo mahpaa-paaz witu um pa'émanen niou.

Filipi 1:25 ပူးပေါင်းရင်းမြစ်များ

Lukas 22:32

Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Kisah Rasul-rasul 20:25

In tarékan kata'uangku i ni kamu péléng sé niéyéangkumoma i mahwoka'ma ung Kakolanoan ni Opo Empung én zéi'mo mahile-ilekala kariaku.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 15:18

Pahpaan ni aku ém wuaya uman i numuwu' tumoro am pinaayango ni Kristus wia ni aku, i mangun sé tou zéi'kan Yahudi mahtali-talinga wia si Opo Empung. Ni aku é mangun niitu witu um pahnuwu'engku wo um pahwangunengku,

Roma 15:29

Wo kata'uangku sa ni aku méyé wia ni kamu, ni aku é mahalima malake-lakez ung kamang ni Kristus wia ni kamu.

Roma 5:2

Ni kita sé ma'éman ém winéhan u lalan i mé'an ung kamang itambéré ni Opo Empung pahpaan si Yesus Kristus. Ung kamang kenu u nimangun ni kita menou-nou wo mahpaa-paaz pahpaan mahéré'la i makailek u sigi' wo looz ni Opo Empung.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

Filipi 1:24

Taan pahgenangengkula, sa ni aku urépé' i menou-nou wia ung kaayahan kenu, niitupé' um wéwéhan torona i sumawang tumuzu' ni kamu.

Filipi 2:24

Taan totoz pa'émanengku i si Mahpiara é sumawang ni aku wo ni aku zéi'mo uré é mangémo wia ni kamu.

Filemon 1:22

Karegas niitu, pahaléiengku, imekempé' ndootuula un tekelangku witi walému, pahpaan ni aku mahéré'la ing kiitané ni Opo Empung am pengaléien niou wo ni aku toro mawurima sumaup wia ni kamu.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.