Filemon 1:22 - Taaz Weru Witu u Nunuwu'en Tombulu

²² Karegas niitu, pahaléiengku, imekempé' ndootuula un tekelangku witi walému, pahpaan ni aku mahéré'la ing kiitané ni Opo Empung am pengaléien niou wo ni aku toro mawurima sumaup wia ni kamu.

Filemon 1:22 ပူးပေါင်းရင်းမြစ်များ

Kisah Rasul-rasul 27:24

Si malaekat itii éng kimua wia ni aku in téntii, ‘Paulus, tia'mo maindé'! Ni ko é léwo'zéi' masumaru wia si Kaisar i matotozen um pahéndo-éndoan tumoro ni ko. Wo pahpaan u raraatéan ni Opo Empung wia ni ko, péléng sé tou sé mahwali-wali kariamu wia u londéi tua'na kenu én zéi'kan maté.’

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Roma 15:24

mengalé-ngaléi uman, ni aku i mangé witi Spanyol én toro tumulima witu wo mahilekan karia niou im witi Roma wo toro mahpaa-paazla karia niou zozo' in zéi'kan mauréma. Mengalé-ngaléi uman ni aku én toro sawangan nioué i mangé witi Spanyol.

2 Korintus 1:11

Ni kamu kangkasii simawangomé i mahpengaléi ni kai. Niitumo, si Opo Empung niméhé un tatambér wia ni kai i ni Sia timalinga am pengaléien tumoro ni kai, wo lakez sé tou kumua u makasé wia ni Sia.

Filipi 1:19

Totoz ing kata'uangku, ing kamurian ni aku én iondol im wia um bui pahpaan am pengaléien niou wo karia un tutulung ni Roh ni Yesus Kristus.

Filipi 2:24

Taan totoz pa'émanengku i si Mahpiara é sumawang ni aku wo ni aku zéi'mo uré é mangémo wia ni kamu.

Ibrani 13:19

Lumousé niitu, wuntul ni kamu totoz im pahaléiengkuma, ipengaléié ni aku wo si Opo Empung é rengan i matuma ni aku mawurima wia ni kamu.

Ibrani 13:23

Kata'uan nioula, si Timotius, si katuarita esa pa'émanen é méiondoloma im witi bui. Sa sia reweké i méyé wia ni aku, taré kai mahwalima mangé wia ni kamu.

Yakobus 5:16

Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.

2 Yohanes 1:12

Zozo' i lakezpé' a léwo'zéi' in ikuakuma wia ni kamu, taan ni aku é soo sa niitu ipantik umana. Taan ni aku é mahéré'la i ni aku in esa si mémahilekan mahilekan karia niou i sumirita nimasaruan wo u mahpaa-paazta é malekep.

3 Yohanes 1:14

Ni aku é mahéré'la i rewek mahilekan kariamu wo sumirita nimasaruan.