3 Yohanes 1:3 - Taaz Weru Witu u Nunuwu'en Tombulu

³ Ni aku én totoz mahpaa-paaz im wéwéhan sé katuari niméyé a mahkua tumoro ung katou-touannu i mahkiit ung kaulitan. Pahpaan totoz ulit, ung katou-touannu é mahkiit an tutuzu' kaulitan ni Opo Empung.

3 Yohanes 1:3 ပူးပေါင်းရင်းမြစ်များ

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

1 Korintus 13:6

Kasoona i milekla si tou mahsanaweka taan mahpaa-paaz i mahilek si tou mahwangun an ulit.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

Filipi 1:4

Wo sekez ni aku i mengaléi tumoro ni kamu péléng, ni aku én totoz mahpaa-paaz.

2 Yohanes 1:2

pahpaan an tutuzu' itii ém witumo un atéta wo mamenaté-natér ni kita makaz ing kauré-uré.

2 Yohanes 1:4

Ni aku én totoz mahpaa-paaz i nimilekla wéwéhan sé woopira im wia sé oki'mu menou-nou mahkiit an tutuzu' kaulitan tanu a méiperénta ni Ama'.

3 Yohanes 1:10

Pahpaan niitumo, sa aku mangé wana, pahaléiengku, péléng am pinahwangunnama ém pahwéhanla genang. Pahpaan an ipahkuana én zéi'kan ulit wo wayaan uman ung kanuwu'an tumoro ni kai. Ni sia én zéi'kan uman soo mahsungkul sé katuari esa pa'émanen sé mahéyé, taan pahséro'enna kasii sé jamaat mahsungkul ni séra, wo sa wéwéhan sé jamaat mahsungkul sé katuari esa pa'émanen sé mahéyé, sé simungkula itii én ipahondolnamé im wia sé jamaat.

3 Yohanes 1:2

Katuariku si ikararaatéku, ni aku é mengaléi, mengalé-ngaléi ni ko é lé'o-lé'os uman im wana am péléng, tanu si rohmu i lé'o-lé'os uman.

3 Yohanes 1:4

Zéi'kan siapa u mahpaa-paaz lumousé u mahpaa-paazku, in timalingala i sé oki'ku é menou-nou mahkiit an tutuzu' kaulitan.

3 Yohanes 1:5

Katuari ikararaatéku, im wana péléng am pahwangunennu wia sé katuari esa pa'émanen, ni ko é nimahwangunola tanu am pahwangunen né tou ma'éman, zozo' ni séra én tou limepuh umané.