2 Timutius 4:8 - Taaz Weru Witu u Nunuwu'en Tombulu

⁸ In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

2 Timutius 4:8 ပူးပေါင်းရင်းမြစ်များ

Matius 24:36

Kuan kasii ni Yesus wia ni séra, “Zéi'kan siapa tou si mata'u sa sawisa un orasna si Oki' ni Tou i mawurimé sumaup. Sé malaekat witi kasendukan én zéi'kan mata'u wo si Oki' ni Tou kangkasii én zéi'kan mata'u, akaz uman si Ama' in esa si mata'u.

Matius 7:22

Im witu un endo kaakazan ung kaayahan, lakez sé matumawah ni Aku, ‘Tuang, Tuang, ni kai mahkua a méikua-Mumé karia u ngaran-Mu wo mahwoho sé sétang karia u ngaran-Mu wo ni kai kangkasii mahwangun a makakompo'en karia u ngaran-Mu.’

Lukas 10:12

Ikua-Kuma wia ni kamu, im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom u rorak taan un ukuman wia sé tou witu um wanua tua'na itii.”

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

1 Korintus 3:13

Im witu un endo si Opo Empung in tumotoz ulit kaapa zéi'kan am pahwangunen né tou, ung kawangunan um pinaayang ni esa wo ni esa é maikatuzu'. Pahpaan un endo itii é méyé karia un api wo un api itii un tumuzu'mé um pinaayang ni esa wo ni esa im wangun kaapa zéi'kan.

1 Korintus 9:25

Sé tou kumiit i mahlolowaan é léwo'zéi' makaezen a lelo néra im wana am péléng, wo séra toro makailek ung kukulu wia ung kaayahan u maléwo' uman. Taan ni kita mahlolowaan i makailek kukulu un zéi'kan maléwo'.

2 Korintus 5:2

Ni kita i menou-nou witu un ténda wia ung kaayahan kenu é mahpa'os pahpaan i lumelo um walé ma'ento'anta witi kasendukan. Um walé itiimo un awakta weru.

Filipi 3:11

Sa niitu péléng toro kailekangkuma, un totoz im pengalé-ngaléiengku sa ni aku matéma, ni aku kangkasii ém wangun in itou sumaup im wia sé nimaté.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

1 Tesalonika 5:4

Taan ni kamu, katuari-katuari, ni kamu én zéi'kan menou-nou witu ung karimbengbengan, taka-takazan i méyé un endo itii, ni kamu én zéi'kan mengompo' tanu si tou rinemu'an,

2 Tesalonika 2:8

in toro niitumokan taré si tou totoz léwo' itii mapailek un touna. Taan i si Yesus Mahpiara méyé sumaup, ni Sia é sumengo umana si tou totoz léwo' itii i munu' ni sia wo karia ung kawangko'an ung kawasa-Na, ni Sia é luméwo' si tou totoz léwo' itii.

1 Timutius 6:19

Karia in téntu, ni séra é riméwokola a sangkum i maéndo to'tolan enté' wia ni séra witu un endo mahmurimé i makailek un uli-ulit katou-touan.

2 Timutius 1:10

In tarékan si Opo Empung nimapailekomé niitu karia i niméhémé si Kristus Yesus si nimilot sé tou im witu un ukuman wana a singkéla'. Ni Sia éng kimalamoma ung kawasa um patéan wo niméhémé ung katou-touan makaz ing kauré-uré wia ni kita mengiité u Nuwu' Lé'os itii.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

2 Timutius 2:5

Si tou kumiit um pahlolowaan én zéi'kan muntung sa sia zéi'kan mahkiit an tinotoz im witu um pahlolowaan.

2 Timutius 4:1

Si Kristus Yesus é méyé sumaup wia ung kaayahan in tumotoz ulit kaapa zéi'kan am pahwangunen né tou sé menou-noupé' wo sé nimatémo wo ni Sia éng kumawasa ing Kolano. Pahpaano niitu, totoz im pahaléiengkuma wia ni ko witu u sinaru ni Opo Empung wo ni Kristus Yesus:

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

Ibrani 12:11

Kata'uanta, péléng an ukuman ang karegas pahpendanen én zéi'kan makapaazen taan merara un até. Taan in tumondong, i limangkoioma an ukuman itii, ni kita é nimaéndomo tou mahwangun an ulit witu u sinaru ni Opo Empung wo nimangun sé niukum itii maena'.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

1 Petrus 1:4

Im witu um pahéré'anta itii, pa'émanenta i ni kita én toro makailek a sangkum. A sangkum itii éng kamang ni Opo Empung a méilé'os witi kasendukan an iwéhé wia ni kita. Ang kamang itii én zéi'kan maléwo', zéi'kan makilamu' wo zéi'kan maweles.

1 Petrus 5:4

Wo i si Kristus si memimiara sé domba si totoz wangko' itii i mawurimé sumaup, ni kamu in tonaas né jamaat é makailek ung kukulu un totoz wangun un zéi'kan mahléwo-léwo'la.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 19:11

An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 4:10

sé zuana pulu' wo epat pahtutu'an itii kumuruzla witu u sinaru-Na si rimumez witu u rurumezan ni Kolano itii. Ni séra mahongkot wo mahsigi' ni Sia, si menou-nou makaz ing kauré-uré. Wo in toro niitu, wuka nérala am poporongen néra ing kolano, an ilombo' nérama witu sinaru u rurumezan itii karia i mahkua,

Wahyu 4:4

Wo witu u makaliklik u rurumezan ni Kolano itii kasii ém wéwéhan an zuana pulu' wo epat rurumezan né kolano walina a rinumezan né zuana pulu' wo epat pahtutu'an, sé kimarai ang karai kulo' wo nimorong am poporongen né kolano u mas am wangunen.