2 Timutius 4:4 - Taaz Weru Witu u Nunuwu'en Tombulu

⁴ Ni séra é soomo tumalinga an tutuzu' ulit, taan paaz uman tumalinga a sirita zéi'kan ulit.

2 Timutius 4:4 ပူးပေါင်းရင်းမြစ်များ

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Kisah Rasul-rasul 7:57

Tumalingamé niitu, sé tou witu é rengan i mengéré-ngérét karia i nimalotla a lunteng néra. Ni séra nimahwalima ing kimara'ma i matumion si Stefanus.

2 Tesalonika 2:11

Niitumo si Opo Empung niméhémé ung kawasa u nimangun ni séra ikalulu, taka-takazan ni séra é ma'éman an zéi'kan ulit.

1 Timutius 1:4

Ikua kasiila wia ni séra in tia'mo mahsirita a sirita zéi'kan ulit wo a sirita tumoro sé nimaopo an zéi'kan siapa akazna. A sirita itii é mahwangun uman am pahéndo-éndoan wo mahsaru uman ung ginenang ni Opo Empung i milot sé tou im witu un ukuman wana a singkéla', ung kinata'uanta mengiité um pa'émanenta wia si Kristus.

1 Timutius 4:7

Tia'mo mahrété wia sé tou sé meninirita a sirita mahlululu uman wo zéi'kan siapa torona. Taan naramela un toumu i menou-nou mahragés wia si Opo Empung.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

Titus 1:14

wo kasii zéi'mo mahkii-kiit a sirita towo né tou Yahudi wo am perénta né tou sé timamburimola witu ung kaulitan.

Ibrani 13:25

Mengalé-ngaléi uman ung kamang tatambér ni Opo Empung é menaté-natér ni kamu péléng.

2 Petrus 1:16

Pahpaan ni kai i mahtuzu' wia ni kamu tumoro si Yesus Kristus Mahpiarata i mawurimé sumaup tanu si Kolano karia ung kawasa-Na, zéi'kan mahkiit a sirita towo am winangun uman né tou, taan ni kai sé nimilek wo sé timalinga ung kawangko'an-Na.