2 Timutius 4:3 - Taaz Weru Witu u Nunuwu'en Tombulu

³ Pahpaan un orasna é méyé i sé tou soomo an tutuzu' ulit. Ni séra ruméwok sé méster mengiit um paaz néra ing kumua ang kapaaz néra in talingan.

2 Timutius 4:3 ပူးပေါင်းရင်းမြစ်များ

Lukas 20:19

Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.

Lukas 6:26

Ikaléwo'la ni kamu sa péléng sé tou é mahlooz ni kamu, pahpaan téntu kangkasii am pinahwanguné né nimaopo néra wia sé nabi towo im puuna.”

Yohanes 8:45

Taan pahpaan ni Aku mahkuama ung kaulitan wia ni kamu, ni kamu én zéi'kan ma'éman wia ni Aku.

Kisah Rasul-rasul 17:21

Pahaléien néra téntu, pahpaan péléng sé tou Atena wo sé tou limepuhmé wo sé mahento'mo witu ém paaz mauré-uré in tumalinga kaapa i sumirita apa uman un taré in tarékan talinga nérala.

1 Korintus 2:1

Katuari-katuari. I ni aku nimangémé wia ni kamu a mahwoka' un zéi'kampé' kata'uan niou tumoro si Opo Empung, ni aku én zéi'kan mahnuwu' wia ni kamu karia a nuwu' tariis pahtalingan kaapa karia ung katulapan né tou.

1 Korintus 2:4

A méipahwoka'ku én zéi'kan tanu a méipahwoka' né tou tulap i mahenou ni kamu, taan an ipahwoka'ku éng karia ung ketez méiwéhémé ni Roh Lenas.

Galatia 4:16

Apa pahpaan kimuama an ulit wia ni kamu, ni aku nimaéndomola kakoro' niou?

1 Timutius 1:10

sé tou samek wo sé tuama mahwangun karia né katuama nérakan an toro uman pahwangunen né tuama wo wéwéné, sé mahremu' sé tou in iwangkér maéndo ata, sé tantowo, sé mahtiwa' an zéi'kan ulit wo péléng an zéi'kan mahkiit an tutuzu' ulit

2 Timutius 1:13

Pahkiitela lumé'o-lé'os péléng an tutuzu' mémoituzu'ku wia ni ko. An tutuzu' itii ém wangunela kékéréan an tutuzu' kaulitan. Wo pahwangunela niitu karia um pa'émanen wo u raraatéan pahpaan i nimaesamo karia ni Kristus Yesus.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”