2 Timutius 4:2 - Taaz Weru Witu u Nunuwu'en Tombulu

² Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

2 Timutius 4:2 ပူးပေါင်းရင်းမြစ်များ

Lukas 7:23

A si Yesus kumua kasii, “Mahpaa-paazola sé tou simungkul ni Aku.”

Lukas 7:4

Ni séra niméyé wia si Yesus an totoz mekitulung wia ni Sia i sumawang si tonaas itii. Kuan néra wia si Yesus, “Tuang, si tonaas né suraro itii ém wangun i sawangan ni Tuang,

Lukas 9:60

Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Kisah Rasul-rasul 13:5

I méikaayomola witi Salamis, ni séra zua é mahwoka' u Nuwu' ni Opo Empung wana am walé peraragésan né tou Yahudi. In toro niitu si Yohanes é méipahwali néramé i sumawang ni séra.

Kisah Rasul-rasul 16:13

In endo Sabat, ni kai nimondolé limangkoié u loloangan wanua tua'na. Ni kai nimahkiité un tembir u so'so'an an ikailekla un tampa pahpengaléian né tou Yahudi, pahpaan pahgenangen naila im witu ém wéwéhan un tampa itii. Im witu ni kai rimumezla a sumirita karia né wéwéné sé nimaréwok witu.

Kisah Rasul-rasul 20:7

In endo kataré witu un duminggu itii, i ni kai nimaréwok mahwali-wali i memété-météng u roti ing kanen, si Paulus é mahnuwu' wia sé katuari esa pa'émanen witu makaz im wengi uré. Pahpaan ni sia éng gimenang i mangémo i masandomé.

Kisah Rasul-rasul 28:16

I ni kai mémoikaayoma witi Roma, si Paulus é niénéala ni tonaas né sana atus suraro i mento' witu um walé esa, karia in tinéizan ni suraro esa.

Roma 10:15

Wo kura sé tou i mapata'u tumoro ni Sia sa zéi'kan siapa si iatu? Witu um Pinantik Lenas é méipantik in téntii, “O ndoon ka totoz makapaazen i niméyé sé mahalimé u Nuwu' Lé'os ni Opo Empung!”

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

Galatia 6:6

Si tou si nimakailek an tutuzu' tumoro u Nuwu' ni Opo Empung, péléng am wangun ang kinailekannamé é léwo'zéi' im pahwéténgla wia si niméhémé an tutuzu' tumoro u Nuwu' ni Opo Empung itii.

Kolose 1:25

Ni aku é méiatumo ni Opo Empung i mahpaayang wia sé jamaat, mengiit um paayangen méiwéhé-Na wia ni aku ing kumua péléng a Nuwu'-Na wia ni kamu.

Kolose 4:3

Ipahpengaléipé' kasiimé kai, wo si Opo Empung mukamé lalan wia ni kai i mangé mahwoka', wo kai toro makumua u méikawunipé' tumoro si Kristus. Pahpaano i mahwoka' niitu, ni aku in tarékan ém wiapé' um bui.

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

1 Tesalonika 5:14

Katuari-katuari, pahaléien nai kasii wia ni kamu im pahnuwu'ala lé'os sé tou soo maayang, enté'ela un até né tou maindé', pahsawangala sé tou wangun i sawangan wo mezenla im wia péléng sé tou.

1 Tesalonika 5:20

Tia' iperoros niou a méikua ni Opo Empung mengiité sé nabi.

1 Timutius 4:13

Karegas ko ma'ento' ni aku i méyé, ni ko é léwo'zéi' sekezé é mahbacama um Pinantik Lenas wia sé tou ma'éman witu i mahsésa wo mahtuzu' ni séra.

1 Timutius 5:20

Si tou mahwangun a singkéla' é léwo'zéi' nuwu'ala witu u saru-sarun né jamaat, wo sé tou walina kangkasii é maindé' i mangun a singkéla'.

2 Timutius 2:21

Sa si tou uli-ulit meresi un touna im wana a léwo', ni sia é maéndo tanu um pakakas mas am wangunen u mapaileké ung kawa'ilanan. Ni sia é linenaso, wangun im pahpakén ni tuangna wo pahpakén uman wana am paayangen wangun.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

2 Timutius 3:10

Taan ni ko éng kimiitola an tutuzu'ku, kura um pahwangunengku, wo um paayongku, um pa'émanengku, ung kaezenangku, u raraatéangku wo kura aku mahtututu' i mahpaayang zozo' in zézéha.

Titus 1:13

Un ipahkua ni nabi itii én ulit. Niitumo, totoz ing kaupi'ala séra wo séra mazéi' i ma'éman an tutuzu' zéi'kan ulit,

Titus 2:15

Titus, ipakawoka'la niana péléng, pahsésaala wo pahséro'ela séra karia ung kawasa in aatu ni Opo Empung. Tia' ipahwaya séi uman si meroros ni ko.

Ibrani 13:22

Katuari-katuari, ni aku é sumésama wia ni kamu, zozo' um pinantikku kenu ém potot uman. Mengalé-ngaléi uman ni kamu é sumungkul um pinantik kenu karia i mahpaa-paaz.

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.