2 Timutius 4:19 - Taaz Weru Witu u Nunuwu'en Tombulu

¹⁹ Ipapaayopé'la u sigi'ku wia si Priska wo si Akwila wo wia sé sana awu ni Onesiforus.

2 Timutius 4:19 ပူးပေါင်းရင်းမြစ်များ

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Kisah Rasul-rasul 18:18

Si Paulus ém woopirana endopé' i nimahento'mé witi Korintus. A sia tumuzu'la wia sé katuari esa pa'émanen witu, a suméngkota witi Siria karia ni Priskila wo ni Akwila. Im witi Kengkrea si Paulus é limo'gasla um wuukna pahpaan un taazna wia si Opo Empung.

Kisah Rasul-rasul 18:2

Im witu ni sia é nimahilekan karia ni tou Yahudi makangaran Akwila si tou Pontus. Si Akwila én taré méyé im witi Italia karia ni Priskila si mahayona. Ni séra niméyé pahpaan si kaisar Klaudius é nimerénta wo péléng sé tou Yahudi é léwo'zéi' mondolé im witi Roma. Si Paulus é matimuli witi walé néra.

Kisah Rasul-rasul 18:26

Karia im wuaya ni sia rengan i mahtuzu' witi walé peraragésan né tou Yahudi. In tinalingala ni Priskila wo ni Akwila a sia ipahwali nérama mangé witi walé néra. Im witu ni séra én uli-ulit timuzu'la wia ni sia u lalan kura ing kumiit si Opo Empung.

1 Korintus 16:19

Sé jamaat witi Asia é méhéma u sigi' néra wia ni kamu. Si Akwila wo si Priskila wo sé jamaat sé nimaréwok witi walé néra é méhéma u sigi' néra wia ni kamu i ma'éman wia si Mahpiara.