2 Timutius 4:11 - Taaz Weru Witu u Nunuwu'en Tombulu

¹¹ Akazokan si Lukas si mahento' kariaku. Niitumo, sungkulena si Markus wo iwalimé wia'i, pahpaan ni sia én totoz pemandungengku i sumawang ni aku wana am paayangengku.

2 Timutius 4:11 ပူးပေါင်းရင်းမြစ်များ

Matius 19:30

Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”

Matius 20:16

Ang kuan kasii ni Yesus, “Téntu kangkasii si tou ipahmuri-muri é maéndo ipahpuu-puuna wo si ipahpuu-puuna é maéndo ipahmuri-muri.”

Lukas 13:30

Wéhanla genang, si tou ipahmuri-muri é maéndo ipahpuu-puuna wo si tou ipahpuu-puuna é maéndo tou ipahmuri-muri.”

Kisah Rasul-rasul 12:12

I nimakagena-genangola a sia mangé witi walé ni Maria ina' ni Yohanes. Si Yohanes ém pahkuan kangkasii i Markus. Im witu é lakez sé tou nimaréwok wo mahmengaléi.

Kisah Rasul-rasul 12:25

I si Barnabas wo si Saulus simampetomé um paayangen néra witi Yerusalem, a séra mawurimé witi Antiokhia. Ni séra i nimawurimé é nimahwalimé si Yohanes, si pahkuan kasii i Markus.

Kisah Rasul-rasul 15:37

Si Barnabas ém paaz mahwali si Yohanes pahkuan kasii i Markus,

Kisah Rasul-rasul 15:39

Niitu u nimangun ni séra zua totoz i mahzéi-zéi'an, makaz ni séra nimatampasan. Si Barnabas timawahma si Markus i mangé kariana siméngkot witi Siprus.

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kolose 4:10

Si Aristarkhus, si binui kariaku é mapaayoma u sigi'na wia ni kamu. Téntu kangkasii si Markus, si oki' né mahtuari wo si Barnabas. (Tumoro ni sia ni kamu é nimakaileko um perénta; sa sia méyé wia ni kamu, sungkulela sia.)

Kolose 4:14

Si dokter Lukas si ikararaatéta, wo si Demas kasii é mapaayoma u sigi' wia ni kamu.

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

2 Timutius 2:21

Sa si tou uli-ulit meresi un touna im wana a léwo', ni sia é maéndo tanu um pakakas mas am wangunen u mapaileké ung kawa'ilanan. Ni sia é linenaso, wangun im pahpakén ni tuangna wo pahpakén uman wana am paayangen wangun.

Filemon 1:24

Si Markus, si Aristarkhus, si Demas wo si Lukas sé kakaria kapaayangku kasii é mapaayoma u sigi' néra wia ni ko.

1 Petrus 5:13

Maan sé jamaat wia am Babel sé pinéléng ni Opo Empung é mapaayoma u sisigi'an wia ni kamu. Téntu kangkasii si Markus si nimaéndomola tanu an oki'ku é méhéma u sisigi'an wia ni kamu.