2 Timutius 4:10 - Taaz Weru Witu u Nunuwu'en Tombulu

¹⁰ pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

2 Timutius 4:10 ပူးပေါင်းရင်းမြစ်များ

Matius 12:32

Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”

Matius 26:56

Taan péléng niia é léwo'zéi' mamuali wo malekep a méipantik né nabi witu um Pinantik Lenas.” Am péléng sé pahtuzu'en ni Yesus tumula'uma ni Sia an tumingkasa.

Lukas 14:33

Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”

Lukas 16:13

Si ata esa én zéi'kan mamuali i maayang wia sé zua tuang. Pahpaan sa téntu, si esa é maikazi'zisna wo si walina én iraraaténa. Kaapa ni sia é mahtali-talinga si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Lukas 17:32

Amoké genangela u nimamuali wia si mahayo ni Lot!

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 15:38

taan si Paulus én totoz soo karia mahkua, in zéi'kan wangun mahwali si tou si i makasa én timula'umomé ni séra witi Pamfilia, wo soo kumiit i maayang karia néra.

Kisah Rasul-rasul 16:6

Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 17:1

Si Paulus wo si Silas limampang kimiita witi Amfipolis wo Apolonia an ikaayola witi Tesalonika. Witi Tesalonika ém wéwéhan um walé peraragésan né tou Yahudi.

Kisah Rasul-rasul 17:11

Um pakahgena-genang né tou Yahudi witi Berea é lumé'ospé'mé sé tou Yahudi witi Tesalonika. Ni séra én totoz paaz i mahtalinga u Nuwu' ni Opo Empung itii. Wo sekez in endo ni séra é mahtata'u am pinantik witu um Pinantik Lenas i mahtata'u sa péléng am pahtuzu' ni Paulus én ulit kaapa zéi'kan.

Kisah Rasul-rasul 17:13

Taan ing kata'uala né tou Yahudi witi Tesalonika sa u Nuwu' ni Opo Empung é mémoipahwoka' kasiimé ni Paulus witi Berea, a séra mangé wana i maker sé tou lakez wo séra maupi' wia si Paulus wo kasii mangun ni sera maringka'.

Kisah Rasul-rasul 18:23

Ni sia nimento' witu ém woopirana endo. A sia malumiklik am wanua witi tana' Galatia wo Frigia i mamenté' un até né tou ma'éman witu.

2 Korintus 2:13

Taan un atéku én zéi'kan katu'tulan, pahpaan zéi'kampé' nimahilekan wo si Titus, si katuari esa pa'émanen. Pahpaano niitu, ni aku timuzu'la a mangé witi Makedonia.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

2 Korintus 8:16

Ni aku éng kumuama u makasé wia si Opo Empung, pahpaan un até ni Titus én tanu un até nai in uli-ulit paaz mahsawang ni kamu.

2 Korintus 8:23

Tumoro si Titus, ni sia éng kakariaku wo kapaayangku i mahsawang ni kamu. Tumoro sé zua tou ma'éman sé mahwali wo si Titus, ni séra é méiatu né woopira jamaat i mangé witi Yudea. Pahpaan am pinaayang néra, si Kristus é loozen wo sigi'en.

2 Korintus 8:6

Pahpaano niitu, si Titus pahlusun nai mangé wia ni kamu i sumampet um paayangenna um wangun u méito'tolnama i mahsawang ni kamu mahréwok an zoit sasawang makaz niana nimaréwok.

Galatia 1:2

Um pinantik kenu kasii ém wia péléng sé katuari esa pa'émanen sé memali-mali kariaku wia'i a mangé, iwéhé wia sé jamaat witi Galatia.

Filipi 2:21

Pahpaan sé tou walina é mahpenéro uman um pemandungen néra in esa, zéi'kan um pemandungen ni Kristus Yesus.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

2 Timutius 4:16

Ing kataré ni aku i mahkelung un touku im witi pahtotozan, zéi'kan siapa zozo' in esa si kimaria ni aku, péléng ni séra én timula'uma ni aku. Mengalé-ngaléi uman si Opo Empung én zéi'kan mapahsasala' ni séra pahpaan um winangun néra itii.

Titus 1:4

Titus, ni ko én tanumokan oki'ku in esa pahpaan ni kita zua é ma'éman wia si Kristus Yesus. Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo si Yesus Kristus, si Nimilot ni kita im witu un ukuman wana a singkéla' é menaté-natér ni kamu.

Filemon 1:24

Si Markus, si Aristarkhus, si Demas wo si Lukas sé kakaria kapaayangku kasii é mapaayoma u sigi' néra wia ni ko.

2 Petrus 2:15

Pahpaan ni séra én timula'umola u lalan kaulitan, ni séra é méikalulumo. Ni séra é mahkiit um pahmualin ni Bileam, oki' ni Beor, si paaz im pahwaéran i mahmuali a singkéla'.