2 Timutius 3:8 - Taaz Weru Witu u Nunuwu'en Tombulu

⁸ Tanu si Yanes wo si Yambres mahsaru si Musa im puuna, téntu kangkasii sé tou itii i mahsaru ung kaulitan. Am pakahgena-genang néra é léwo'mo wo um pa'émanen néra én zéi'mo ulit.

2 Timutius 3:8 ပူးပေါင်းရင်းမြစ်များ

Kisah Rasul-rasul 15:24

Ni kai én timalingamola im wéwéhan sé woopira tou im wia ni kai, sé zéi'kan méiatu naima é nimangémo wia ni kamu. Ni séra é nimangunola ni kamu mahzua-zua genang wo nimalinganga karia an tutuzu' néra.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

1 Timutius 1:19

Wéwéhan sé woopira tou é soomo mahkiit ung genang weresi néra. Pahpaano niitu ni séra én zéi'mo ma'éman.

1 Timutius 4:2

an ipahkuamé mengiité sé tou léwo' sé mahtowo i lé'os karia an towo néra. Ung genang lé'os néra én zéi'mo mata'u wisa un ulit wo wisa u simala'.

1 Timutius 6:5

mahsingku-singkutan zéi'kan siapa zéi'na, ung genang ni tou itii é nimakazo wo zéi'mo ulit. Ni sia mahgenangla i mawa'ilan pahpaan mahragés wia si Opo Empung.

2 Timutius 4:15

Ni ko kangkasii é léwo'zéi' in tuméga-tégam im wia ni sia, pahpaan ni sia én totoz mahtututu' i mahsaru an tutuzu'ta.

Titus 1:10

Pahpaan in tarékan im wia sé jamaat é lakezo sé mahsasarumokan, kataré-taré é sé im wia sé tou Yahudi sé ma'émano taan mahkiitpé' an tinotoz im pahsunaten. Ni séra menuwu-nuwu' an towo i mahlululu sé tou.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

2 Petrus 2:14

Sa mileka si wéwéné, méyé um paaz witu ung genang néra i sumamek karia ni wéwéné itii wo ni séra én zéi'kan maseso' i memua-muali a singkéla'. Sé tou zéi'kampé' tahlous ma'éman wia si Yesus ém pahenouen néra wo séra ikalulu. Ni séra é nimanaramo i menou-nou mahkiit ung kaangkuman néra. Ni séra é makailek un epa' ni Opo Empung.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

Wahyu 2:20

Taan zozo' in téntu, wéwéhan ung kasoo-Ku wia ni kamu, pahpaan méiwaya niou uman si wéwéné makangaran Izebel, si mahkua-kua i nabi, ni sia é mahtuzu' wo mahlululu uman sé ata-Ku i sumamek wo kuman ang kakanen mémoiragés wia sé opo-opo.

Wahyu 2:6

Taan wéwéhan am wangun am wia ni kamu. Ikazi'zis niou am pahmualin né tou ni Nikolaus, ni Aku kangkasii é mazi'zis am pahmualin néra itii.