2 Timutius 3:2 - Taaz Weru Witu u Nunuwu'en Tombulu

² Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

2 Timutius 3:2 ပူးပေါင်းရင်းမြစ်များ

Matius 15:6

si tou itii én zéi'mo totoz sumigi' si ama'na kaapa si ina'na. Karia in téntu, u Nuwu' ni Opo Empung é zinéi' niouola karia ang kinanaram niou itii.

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Kisah Rasul-rasul 5:36

Amoké genangen nioula. Im puuna ém wéwéhan si makangaran Teudas. Ni sia é mahkua-kua in tou ipahpuu-puuna wo sé mahkii-kiit ni sia ém woo epatna atus tou. Taan ni sia ém winunu', an ikaserama sé mahkii-kiit ni sia makaz am pahwangunen néra é nimazéi'ma.

Roma 11:18

Niitumo, ni kamu sé pahkuan im panga weru pahpaan mémokan ilaput witu ung kai zaitun méitanem ni Opo Empung, tia' mahgenangla i ni kamupé' sé tua'na taan an totoz pangana ung kai méitanem-Na ung kinetoro an itia' itii. Gena-genangen: Zéi'kan um panga u mahwéhé ung katou-touan witu un ahmut taan un ahmut u mahwéhé ung katou-touan witu um panga.

2 Korintus 5:15

Si Kristus nimatémo pahpaan péléng sé tou, wo ni séra sé menou-noupé' wia ung kaayahan kenu, ung katou-touan néra én zéi'mo anu néra taan anumo ni Kristus, si nimatémo wo méitoumomé sumaup ni Opo Empung pahpaan ung kawangunan néra.

Filipi 2:21

Pahpaan sé tou walina é mahpenéro uman um pemandungen néra in esa, zéi'kan um pemandungen ni Kristus Yesus.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

1 Timutius 1:20

Im wia ni séra é si Himeneus wo si Aleksander. Ni séra zua é mémoiwéhékula wia si tonaas né sétang wo séra maseso'la i mahséro' wia si Opo Empung.

1 Timutius 1:9

Pahpaan kata'uanta un ukum Torat itii én zéi'kan méiwéhé wia sé tou mahwangun an ulit, taan iwéhé wia sé tou mahsaru si Opo Empung wo sé soo mahtali-talinga ni Sia, sé soo mahkiit um paaz-Na wo sé mahsingkéla', sé zéi'kan siapa pa'émanen wo sé megena-genang uman am wia ung kaayahan, mahwunu' si ama' wo si ina' wo sé mahwunu' sé kasuat tou,

1 Timutius 3:3

zéi'kan matetewelen, zéi'kan uupi'en taan lé'os uman, paaz mahwangun sé tou malé'osan wo zéi'kan megena-genang uman an zoit.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.

1 Timutius 6:4

si tou itii é loozan, mahwangu-wangun i mata'u taan un ulitna ni sia én zéi'kan siapa kata'uan. U sakina ém paaz uman i mahzéi-zéi'an wo mahéndo-éndoan karia né tou walina, mahwangun sé tou in tuméutéu, mahwangun sé tou makahkoro', mahtawuruk, tahlous megenang léwo' tumoro sé tou walina,

2 Timutius 3:4

Ni séra ém paaz mahayo sé kakaria wia sé kakoro', potot pakahgena-genang, mahwangu-wangun mata'u, mahkiit uman u lelo léwo' un awak in esa wo zéi'kan mahkiit um paaz ni Opo Empung.

Yakobus 2:8

Taan ni kamu é nimangunola u lé'os, sa kamu uli-ulit mahwangun un ukum ni Opo Empung un ipahpuu-puuna tanu u méipantik witu um Pinantik Lenas in téntii, “Iraraatéla si kasuatmu tou tanu ko i rumaraaté un toumu in esa.”

Yakobus 4:16

Taan in tarékan ni kamu é mahloo-looz un tou niou witu ung kawera'an niou. Péléng ang kaloozan niou itii é simala'.

Yakobus 4:6

Taan ung kamang méitambér-Napé' um wangko' taan niana péléng. Niitumo, witu um Pinantik Lenas é méipantik in téntii, “Si Opo Empung é makahkoro' wo sé tou loozan, taan rumaraaté sé tou roros até.”

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

2 Petrus 2:10

sé ipahpuu-puuna é sé tou sé mahkiit uman a lelo léwo' un awak néra a mahwangun ni séra in zéi'kan wangun wo mahséro' ung kawasa ni Opo Empung. Sé méster towo itii én totoz wuaya wo wera', makaz ni séra én zéi'mo maindé' i mahséro' sé pahloozen wo pahsigi'en witi kasendukan.

2 Petrus 2:12

Taan sé méster towo itii é masuat wo sé binatang lemou sé méianaké én akaz uman in tionan wo wunu'en. Ni séra é mahséro' wana an zéi'kan kata'uan néra, niitumo ung kinawalian taka-takazan ni séra ém wunu'en tanu sé binatang meneza' tou,

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.

Wahyu 13:1

An ilekengkuma si binatang makaindé'en nimondolé witu un tasik. A sungé ni binatang makaindé'en itii é mapulu' wo an uluna ém pitu. Wana a rawis a sungéna ém wéwéhan am poporongen né kolano. Wo wana an uluna ém pinantikan a ngaran séséro' wia si Opo Empung.

Wahyu 16:11

A séra mahséro' wia si Opo Empung si witi kasendukan pahpaan a rumara wo ang kupes néra. Taan ni séra én totoz soo tumula'u a singkéla' néra.

Wahyu 16:21

Un uzan éis é mahtumpamé im witi langit mahtoromé sé tou. Ung kawutez un éis esa ém woo limana pulu' kilo. A sé tou mahséro' wia si Opo Empung pahpaan un uzan éis an totoz meléwo' itii.

Wahyu 16:9

Sé tou é lina'unga karia um pasu'na un api totoz wuaya. Niitumo, ni séra é mahséro' u ngaran ni Opo Empung, si mahkawasa wana péléng a meléwo' itii wo ni séra é soo tumula'u a singkéla' néra i lumooz wo sumigi' ni Sia.