2 Timutius 3:16 - Taaz Weru Witu u Nunuwu'en Tombulu

¹⁶ Péléng am witu um Pinantik Lenas é méituzu' ni Opo Empung. Wo am pinantik itii ém wéwéhan torona: in tumuzu', i mapata'u ang kasumalaan, i suméro' sé tou wo in tumuzu' sé tou kura i menou-nou ulit witu u sinaru ni Opo Empung.

2 Timutius 3:16 ပူးပေါင်းရင်းမြစ်များ

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 22:43

A si Yesus meligau sumaup wia ni séra, “Sa téntu, kaa im puuna i si Daud kinawasa ni Roh Lenas ni sia in esa éng kimua sa si Mesias itii én Tuangna. In toro niitu, ni sia éng kimua in téntii,

Matius 26:54

Taan sa téntu, kurapé' kahuman i malekep u méipantik witu um Pinantik Lenas, ung kimua sa a mahmuali in tarékan é léwo'zéi' i mamuali?”

Matius 26:56

Taan péléng niia é léwo'zéi' mamuali wo malekep a méipantik né nabi witu um Pinantik Lenas.” Am péléng sé pahtuzu'en ni Yesus tumula'uma ni Sia an tumingkasa.

Markus 12:24

A si Yesus mingkotla wia ni séra, “Ni kamu é mahsala'. Pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung.

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Yohanes 3:20

Péléng sé tou mahwangun a léwo'an é mazi'zis u sena' itii. Ni séra é soo méyé witu u sena' itii, pahpaan u sena' itii é mangun a léwo'an pahwangunen néra kaile-ilekan.

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Kisah Rasul-rasul 18:25

Ni sia én tinuzu'mo tumoro si Yesus Mahpiara. Ni sia ém wuaya i mahnuwu' wo totoz mahterang i mahtuzu' tumoro si Yesus. Taan zozo'pé' in téntu, ung kata'uanna én akaz uman u sarani ni Yohanes Menanarani.

Kisah Rasul-rasul 20:20

Taan zozo'pé' in téntu, ni aku én zéi'kan maliuz i mahkua am wéwéhan torona wia ni kamu. Péléng am péléng é méiwoka'kumo wo méituzu'kumo wia ni kamu, niitu im witu u sinaru né tou lakez kaapa wana am walé i nimaréwok.

Kisah Rasul-rasul 20:27

Pahpaan ni aku én zéi'kan kawisa wo zéi'kan mahwoka' péléng ang ginenang ni Opo Empung wia ni kamu.

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

Roma 15:4

Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

Roma 2:20

mahgenang kasiila i mahtuzu' sé tou zéi'kampé' mata'u un ulit wo mahtuzu' sé tou mahasa-asarpé' sé koki', pahpaan mata'umo un ukum Torat, mahgenangla péléng ang kata'uan wo an tutuzu' kaulitan éng kata'uannumo,

Roma 3:2

Im wana péléng am péléng é lakez, un ipahpuu-puuna ém pahpaan sé tou Yahudi itiimo sé tinarawésaan u Nuwu' ni Opo Empung.

Roma 4:23

U méipantik, “Niéndo ulit ni Opo Empung,” zéi'kan uman méipantik wia si Abraham,

1 Korintus 12:7

Ung kawangunanta péléng, wia si esa wo si esa ém winéhan un tatambér ni Roh Lenas.

Galatia 3:8

Rengan im puuna toro kata'uanta witu um Pinantik Lenas i si Opo Empung éng gimenang i mangun sé tou zéi'kan Yahudi in éndon-Na ulit pahpaan um pa'émanen néra wia ni Sia. Si Opo Empung é nimapata'umo u Nuwu' Lé'os tumoro si Yesus Kristus wia si Abraham, kuan-Na, “Mengiité ni ko, péléng sé tou wia ung kaayahan éng kamangen.”

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Ibrani 11:1

Um pa'émanen én téntii: totoz ing kata'uanta sa péléng am pahéré'anta wia si Opo Empung éng kailekanta, zozo' in zéi'kampé' pahilekentala taan totoz ing kata'uanta ni kita é lamakailek niitu.

Ibrani 3:7

Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,

Ibrani 4:12

Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.