2 Timutius 3:11 - Taaz Weru Witu u Nunuwu'en Tombulu

¹¹ Kata'uannumo an zézéha wo ang kapendisan am pinendankumé i ni aku witi Antiokhia, witi Ikonium wo witi Listra. Péléng an zézéha itii ém pinendankumomé, taan ni aku é méipilotomé ni Mahpiara im wana péléng an zézéha itii.

2 Timutius 3:11 ပူးပေါင်းရင်းမြစ်များ

Kisah Rasul-rasul 13:14

Wo im witi Perga, si Paulus wo sé kakariana é meméhé-méhé i limampang makaz witi Antiokhia propinsi Pisidia. In endo Sabat ni séra nimuntepa a rumumezla witi walé peraragésan né tou Yahudi.

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 14:8

Im witi Listra ém wéwéhan si tuama si merume-rumezokan, pahpaan un a'éna é lailai rengan sia i nimatoumé wo ni sia én zéi'kampé' nimahlampa-lampangla.

Kisah Rasul-rasul 20:19

Karia i roros até ni aku mahpaayang wia si Mahpiara. Ni aku i mahpaayang wia ni Sia, makalakez ém pahlué'an wo kasii makalakez nimasungkulan karia am pema'wa'en wo am pahmualin né tou Yahudi i mahwuwunu' ni aku.

Kisah Rasul-rasul 23:10

A sé sana réwok tou Farisi wo Saduki kalousnamo i mahzéi-zéi'an, makaz si tonaas né suraro é maindé'mo én taa si Paulus léndongan nérama. Niitumo, ni sia nimeréntama sé surarona in timumpama i mangémé si Paulus im witu un unez né tou lakez itii wo mahwalima ni sia witi pahento'an mahwali-wali né suraro.

Kisah Rasul-rasul 26:17

Ni ko én ipilotku im wana an zézéha pahwangunen né tou Yahudi wo né tou zéi'kan Yahudi. Ni ko én iatuku i mangé wia ni séra,

Kisah Rasul-rasul 26:22

Taan pahpaan in tinulung ni Opo Empung, ni aku é menou-noupé' makaz in tarékan wo mahkua wia sé tou a niilekku wo an tinalingaku, ni séra in tou pahsigi-sigi'en kaapa tou kanaramen. Péléng a méipahwoka'ku itii é masuat wo a mémoipahwoka'mé ni Musa wo né nabi im puuna.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Roma 15:31

Mengaléila wo si Opo Empung miloté ni aku im wia sé tou zéi'kan ma'éman sé witi Yudea, wo um paayangengku i mahalima a sasawang witi Yerusalem é sungkulen né tou ma'éman wana.

2 Korintus 1:5

Ni kai é nimahpendanomé lakez a zézéha tanu am pinahpendané ni Kristus, taan ni kai kangkasii é nimakailekomé wia si Kristus ang kaenté'an un até i ni kai mahsaru an zézéha.

2 Korintus 1:7

Ni kamu én totoz pa'émanen nai wo kata'uan nai pahpaan ni kamu é nimazézéha tanu am pinahpendan naimé. Niitumo, kata'uan nai si Opo Empung é nimenté' un até niou tanu um winangun-Na wia ni kai.

2 Korintus 12:10

Niitumo, ni aku é mahpaa-paaz zozo' un touku in zéi'kan enté', pahséro'an, wana ang kasusaan wo pahzézéhan, lakez am pengalin pahpaan mahkiit si Kristus. Pahpaan i ni aku zéi'kan enté', in toro niitumo ni aku nimaenté'.

2 Timutius 4:7

Ni aku én uli-ulit simapetola um pahlolowaan karia im wangun wo méikaayomola witu un akazna. Ni aku kasii én zéi'kan mazéi' i ma'éman wia si Kristus Yesus makaz ing kamurian.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,