2 Timutius 2:8 - Taaz Weru Witu u Nunuwu'en Tombulu

⁸ Gena-genangen ang kenu: si Yesus Kristus, si méitoumé sumaup ni Opo Empung im wia sé nimaté, si suzu ni Daud, tumoro ni Siamo u Nuwu' Lé'os ipahwoka'ku.

2 Timutius 2:8 ပူးပေါင်းရင်းမြစ်များ

Matius 1:1

Ung kenumo um pinantikan a ngaran né nimaopo ni Yesus Kristus, si suzu ni Daud wo ni Abraham.

Lukas 24:46

Kuan-Na wia ni séra, “Wéwéhan u méipantik téntii: Si Mesias én totoz mazézéha wo matou sumaup im wia sé nimaté witu un endo katelu.

Kisah Rasul-rasul 13:23

Niitumo, tanu u mémoitaaz ni Opo Empung, ni Sia é méléng si suzu ni Daud i milot sé tou Israel im witu un ukuman wana a singkéla' néra. Ni Siamo si Yesus.

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.

Kisah Rasul-rasul 2:30

Taan ni sia é nabi wo kata'uanna si Opo Empung én timaaz wia ni sia karia in timiwa' i si esaané wia sé suzuna é maéndo Kolano.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

1 Korintus 15:1

In tarékan katuari-katuari, ipapagenangkuma sumaup u Nuwu' Lé'os tumoro si Yesus u mémoipahwoka'ku wia ni kamu. U Nuwu' Lé'os itii éng kinailekan niouo wo uli-ulit pa'émanen niou makaz in tarékan.

1 Korintus 15:4

i ni Sia mémoileweng, wo witu un endo katelu ni Sia é méitoumé sumaup ni Opo Empung mengiit méipantik witu um Pinantik Lenas;

2 Tesalonika 2:14

Pahpaano niitu, si Opo Empung én timawahmo ni kamu mengiité u Nuwu' Lé'os tumoro si Yesus u mémoipahwoka' nai wia ni kamu, wo ni kamu toro makailek u sigi' wo looz ni Yesus Kristus, si Mahpiarata.

1 Timutius 1:11

mengiit u Nuwu' Lé'os ni Opo Empung si wangko' wo pahloozen, tanu u méitarawésamo wia ni aku im paayangengku.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:8

Niitumo, tia'mo maizang i mahkua an tinalinga wo niilekmu tumoro si Mahpiarata. Téntu kangkasii, tia'mo maizang tumoro ni aku im binui pahpaan ni Sia. Taantaré, karia ung ketez méiwéhémé ni Opo Empung, ni ko kangkasii é mazézéhala pahpaan mahkua u Nuwu' Lé'os tumoro ni Sia.

2 Timutius 2:7

Wéhanla genang a méikuaku kenu, si Mahpiara é mangun ni ko makawawa i makatulap péléng am péléng.

Wahyu 5:5

A si esaané im wia sé zuana pulu' wo epat pahtutu'an itii kumuamé wia ni aku, in téntii, “Ni ko én tia'mo mahamé'. Wéhanla genang lumé'o-lé'os, si pahkuan i Singa wia sé suzu ni Yehuda, si suzu ni Daud éng kimalamoma sé kakoro'-Na. Niitumo ni Sia toro muka am pitu segel wo ung kitap ginulung itii.”