2 Timutius 2:24 - Taaz Weru Witu u Nunuwu'en Tombulu

²⁴ Si ata ni Mahpiara én zéi'kan toro mahkoro', taan ni sia é léwo'zéi' i lé'os im wia péléng sé tou, tulap i mahtuzu' wo ezen.

2 Timutius 2:24 ပူးပေါင်းရင်းမြစ်များ

Matius 12:19

Ni Sia én zéi'kan mangé mahzéi-zéi'an karia né tou walina kaapa mengéré-ngérét sé tou, wo sé tou wana a lalan kangkasii én zéi'kan tumalinga an ipahnuwu'-Na, i ni Sia mahnuwu' wana a lalan.

Yohanes 6:52

Kaitalingamé niitu, sé tou Yahudi mahzéi-zéi'an karia i mahkua, “Kura ni Sia toro méhé un awak-Na ing kanenta?”

Kisah Rasul-rasul 15:2

Taan si Paulus wo si Barnabas én totoz mahsaru wo mahzéi' an ipahtuzu' néra itii. Ing kamurian an totozela né tou ma'éman si Paulus wo si Barnabas wo sé woopira tou im wia sé jamaat, in iatu mangé wia sé aatu ni Yesus wo wia sé penatua witi Yerusalem. Im wana ni séra é sumirita tumoro um pahzéi-zéi'an néra itii.

Kisah Rasul-rasul 23:9

A séra mahzéi-zéi'an makaz i nimarikoka'ma. Sé woopira tou tulap un Torat im wia sé sana réwok tou Farisi é nimangé witi puuna a mahkelung si Paulus kuan néra, “Sa ikiit ni kai, si tou kenu én zéi'kan siapa sinala'! Séi si mata'u sa wéwéhan si roh kaapa malaekat nimuwu'moma wia ni sia.”

Kisah Rasul-rasul 7:26

Masandomé, sia milek kasiila sé tou Israel zua mahkoro'. A sia mahtututu' mangun ni séra zua i masungkulan, kuana, ‘É katuari! Kata'uangku ni kamu é mahtuari, kaa kamu mahkoro'?’

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 10:4

Pahpaan an ipahkoro' nai i mahsaru sé kakoro' én zéi'kan wia ung kaayahan a méyé, taan an ipahkoro' nai ém wia si Opo Empung a méyé karia ung kawasa-Na, un toro kumemu an tampa totoz enté' winangun né kakoro'.

2 Korintus 6:4

Taan, im wana am péléng, ni kai é mapailek i mahpaayang uman u méiatu ni Opo Empung. Niitu méipapailek nai i ni kai ezen im wana: an zézéha, am pengalin wo ang kasusaan,

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Filipi 2:14

Pahpaayangela péléng am péléng karia in zéi'kan menembu-nembut wo mahéndo-éndoan.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

1 Tesalonika 2:7

Ni kai én totoz lé'os wo rumaraaté ni kamu i memali-mali karia niou, masuat wo si ina' i mahurus wo mahtéiz sé oki'na.

1 Timutius 6:11

Taan ni ko in tou ni Opo Empung, zumou-zou' im wana péléng niitu, mahtututu'la in zéi'kan mahsanaweka, mahragésla wia si Opo Empung, tia' mazéi' ma'éman wia ni Sia, rumaraaté sé kasuat tou, ezen wana an zézéha wo eluz uman wia si kasuat tou.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Titus 1:9

uli-ulit mahkiit an tutuzu' kaulitan. Karia in téntu ni sia é makawawa i mahsésa karia an tutuzu' mengiité ang kaulitan wo makawawa i mangun sé tou sé mahsasaru uman an tutuzu' kaulitan, i ma'éman an tutuzu' itii.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

Yakobus 4:2

Wéwéhan am pelelo-lelo niou, taan zéi'kan kinakiitan, ang kamu munu' tou. Ni kamu é mahtéutéu, taan am pelelo-lelo niou én zéi'kan kinaayoan, ang kamu mahéndo-éndoan wo mahkoro'. Zéi'kan siapa ung kinailekan niou, pahpaan ni kamu én zéi'kan nimengaléi.

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.