2 Timutius 2:23 - Taaz Weru Witu u Nunuwu'en Tombulu

²³ Tia' mahkii-kiit i mahzéi-zéi'an karia né tou lemou pahpaan ni séra én zéi'kan siapa kata'uan. Pahpaan kata'uannumo sa nianamo a mangun am pahkoro'an.

2 Timutius 2:23 ပူးပေါင်းရင်းမြစ်များ

1 Timutius 1:4

Ikua kasiila wia ni séra in tia'mo mahsirita a sirita zéi'kan ulit wo a sirita tumoro sé nimaopo an zéi'kan siapa akazna. A sirita itii é mahwangun uman am pahéndo-éndoan wo mahsaru uman ung ginenang ni Opo Empung i milot sé tou im witu un ukuman wana a singkéla', ung kinata'uanta mengiité um pa'émanenta wia si Kristus.

1 Timutius 4:7

Tia'mo mahrété wia sé tou sé meninirita a sirita mahlululu uman wo zéi'kan siapa torona. Taan naramela un toumu i menou-nou mahragés wia si Opo Empung.

2 Timutius 2:14

Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

2 Timutius 2:16

Taan ma'katla im wana a nuwu' zéi'kan siapa torona wo mahséro' wia si Opo Empung, u mahwangun uman sé tou in zéi'kan pandung wia si Opo Empung.

Titus 3:9

Taan tia' mahkii-kiit i mahzéi-zéi'an wana an zéi'kan siapa torona, mahzéi-zéi'an tumoro sé nimaopo, mahéndo-éndoan wo mahkoro' tumoro un ukum Torat. Pahpaan niana péléng én zéi'kan siapa torona wo za'i-za'i pelando-landoian.

Yakobus 4:1

Wisa a méyé am pahéndo-éndoan wo am pahkoro'an niou? Zéi'kankuaa wana a lelo léwo' un awak niou a mahkoro' i mahkakawasa un tou niou?