2 Timutius 2:22 - Taaz Weru Witu u Nunuwu'en Tombulu

²² Pahpaano niitu, ma'katla im wana a lelo léwo' un awak né weru tou. Mahtututu'la i mahkiit um paaz ni Opo Empung, ma'éman an tutuzu'-Na, rumaraaté si kasuat tou wo mahlé'o-lé'osan karia néra sé mengaléi wia si Opo Empung i mekitulung karia un até weresi.

2 Timutius 2:22 ပူးပေါင်းရင်းမြစ်များ

Kisah Rasul-rasul 7:59

Karegas si Stefanus im pahweriten néra, ni sia mengaléi, “O Yesus, Mahpiaraku, sungkulené si rohku.”

Kisah Rasul-rasul 9:14

Wo ni sia kasii i niméyé wia'i éng karia ung kawasa méiwéhémé né tonaas né walian witi Yerusalem in tumion sé tou mahtawah u ngaran-Mu.”

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 14:19

Niitumo, mahtututu'mola i menéro a mahalimé u mahlé'o-lé'osan wo a mahenté' am pa'émanen né tou esa pa'émanen.

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 1:2

Um pinantik kenu én iwéhé wia ni kamu sé tou linenas ni Opo Empung, pahpaan nimaesamo karia ni Kristus Yesus wo sé tinawah i maéndo jamaat ni Opo Empung sé witi Korintus. Wo kasii wia péléng sé tou ma'éman wisa uman um pahento'an néra, sé sekezé é mahlooz wo mahmengaléi wia si Yesus Kristus Mahpiara néra wo Mahpiarata.

1 Korintus 10:14

Pahpaano niitu, katuari-katuari ikararaatéku, tia' kamu mahongkot wia sé opo-opo!

1 Korintus 14:1

Mahtututu'la i rumaraaté sé tou walina wo mahtututu'la i makailek an tatambér ni Roh Lenas. Un totoz ipahpuu-puuna im pahtututu'en niou én tatambér makawawa i mahkua wia sé tou a méikuamé ni Opo Empung wia ni kamu.

1 Korintus 6:18

Ma'katla im wana ang kasamekan! Pahpaan si tou mahsamek, ni sia é mahwangun a singkéla' u maluméwo' un touna. Taan sa mahwangun a singkéla' walina, niitu é nimamuali zéi'kan witu un untep un awakna.

1 Timutius 1:14

Taan lumouspé'mé niitu, ung kamang méitambéré ni Mahpiarata wia ni aku én totozo lakez, makaz ni aku ma'éman wia ni Sia wo rumaraaté sé kasuat tou pahpaan nimaesamo karia ni Kristus Yesus.

1 Timutius 1:5

Ung kalakoan u sésésa itii, wo sé tou uli-ulit rumaraaté karia un até weresi, karia ung genang lé'os, wo uli-ulit ma'éman wia si Kristus.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

1 Timutius 4:12

Tia' wo wéwéhan sé tou mahgenangla i ni ko én tou roros pahpaan ni ko ém weru tou. Mahtututu'la i maéndo kékéréan wangun né tou ma'éman wia si Opo Empung, wana an ipahkuamu, wana am pemangu-mangunennu, wana a raraatéannu, witu um pa'émanennu wo witu ung katou-touannu un zéi'kan penéro-néro'an né tou.

1 Timutius 6:11

Taan ni ko in tou ni Opo Empung, zumou-zou' im wana péléng niitu, mahtututu'la in zéi'kan mahsanaweka, mahragésla wia si Opo Empung, tia' mazéi' ma'éman wia ni Sia, rumaraaté sé kasuat tou, ezen wana an zézéha wo eluz uman wia si kasuat tou.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

1 Petrus 3:11

Ni sia é léwo'zéi' in tumula'umola a léwo'an wo mahwangunla a lé'os. Ni sia kasii é léwo'zéi' i mahtututu'la makaz i makailek u mahlé'o-lé'osan.

3 Yohanes 1:11

Katuari ikararaatéku. Tia' mahkéré a léwo', taan mahkéréla a lé'os. Séi si mahwangun a lé'os, ni sia ém wia si Opo Empung a méyé. Taan séi si mahwangun a léwo', ni sia én zéi'kampé' mata'u si Opo Empung.