2 Timutius 2:19 - Taaz Weru Witu u Nunuwu'en Tombulu

¹⁹ Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

2 Timutius 2:19 ပူးပေါင်းရင်းမြစ်များ

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Matius 7:23

In toro niitumo ni Aku makaulit ing kumua wia ni séra, ‘Ni Aku én zéi'kan nimahta'u-ta'ula ni kamu! Tumingkasa im witu u sinaru-Ku, ni kamu péléng sé memua-muali a léwo'an!’ ”

Matius 7:25

I muzané totoz repet makaz i mahlewuh wo kasii u reges repet tumoromé um walé itii, um walé itii én zéi'kan marewa. Pahpaan um walé itii é méirendai witu un to'tolan watu.

Markus 12:16

Ni Sia wéhan nérala un zoit esa dinar. A Sia meligau wia ni séra, “Gio wo ngaran ni séi ung kenu?” Ni séra mingkotla, “Gio wo ngaran ni Kaisar.”

Markus 13:22

Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra.

Lukas 13:27

Taan ni Sia éng kumua wia ni kamu, ‘Ni kamu én zéi'kan kata'uang-Ku wisa a méyé! Tumingkasa im witu u sinaru-Ku, é ni kamu péléng sé memua-muali a léwo'an!’

Lukas 6:48

Ni sia é masuat wo si tou rimendai um walé. Ni sia éng kimiarla um woso rarem an izeta'nala witu am watu a mato'tolan i rumendai um walé. I lumewuhmé wo u séwélna un zano witi so'so'an tumoromé um walé itii, um walé itii én zéi'kan mogémé, pahpaan am watu to'tolan rinendaian um walé itii én enté'.

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

Yohanes 13:18

An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 3:33

Séi si ma'éman an ipahkua-Na, ni sia é makaulit i si Opo Empung én ulit.

Kisah Rasul-rasul 11:26

Ni séra zua é mahento' mahwali-wali karia né jamaat witu, sana ta'un ung kauréna. Im witu ni séra é mahtuzu' tumoro si Yesus wia sé tou lakez. Im witi Antiokhia itiimo ing kataré-taré sé tou ma'éman si Yesus im pahkuan tou Sarani.

Kisah Rasul-rasul 15:17

wo péléng sé tou walina é menéro si Mahpiara karia péléng sé tou sé tinawah i maéndo anu-Ku. Téntu u Nuwu' ni Opo Empung, si nimangun niia péleng,

Kisah Rasul-rasul 9:14

Wo ni sia kasii i niméyé wia'i éng karia ung kawasa méiwéhémé né tonaas né walian witi Yerusalem in tumion sé tou mahtawah u ngaran-Mu.”

Roma 11:2

Si Opo Empung én zéi'kan timia' sé tou Israel sé pinéléng-Namo rengané im puuna. Kata'uan niouo u méipantik witu um Pinantik Lenas tumoro si nabi Elia in ipahpa'osna sé tou Israel wia si Opo Empung karia mahkua in téntii,

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Roma 15:20

Un toro ipahloo-loozku i ni aku é nimahwoka'mé u Nuwu' Lé'os itii wana an tampa zéi'kampé' mata'u si Kristus. Ni aku é soo in tumerusokan am paayangengku witi tampa pinahwokaané né tou walina, tanumokan si tou rumendai um walé witu un to'tolan winangun né tou walina.

Roma 15:9

Si Kristus kangkasii nimangun sé tahsasana wanua walina i lumooz wo sumigi' si Opo Empung pahpaan u raraatéan-Na wia ni séra. Méipantik witu um Pinantik Lenas in téntii: “Pahpaano niitu ni aku é malumooz si Opo Empung witu un unez né tahsasana wanua wo kumantar ang kakantaren i lumooz u ngaran-Mu.”

Roma 8:28

Kata'uanta i si Opo Empung é mimek péléng am péléng wo péléng niitu é mahalimé ung kalé'osan wia sé rumaraaté ni Sia, sé tinawah mengiit ung ginenang-Na.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

1 Korintus 1:2

Um pinantik kenu én iwéhé wia ni kamu sé tou linenas ni Opo Empung, pahpaan nimaesamo karia ni Kristus Yesus wo sé tinawah i maéndo jamaat ni Opo Empung sé witi Korintus. Wo kasii wia péléng sé tou ma'éman wisa uman um pahento'an néra, sé sekezé é mahlooz wo mahmengaléi wia si Yesus Kristus Mahpiara néra wo Mahpiarata.

1 Korintus 8:3

Taan si tou rumaraaté si Opo Empung, ni sia éng kata'uan ni Opo Empung.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

Efesus 3:15

Ni Siamo si Ama'ta péléng im witi kasendukan wo wia ung kaayahan.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

1 Timutius 6:19

Karia in téntu, ni séra é riméwokola a sangkum i maéndo to'tolan enté' wia ni séra witu un endo mahmurimé i makailek un uli-ulit katou-touan.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.

Wahyu 22:4

Ung gio ni Opo Empung én ileken néra, wo u ngaran ni Opo Empung én ipantik wana an tungtung néra.

Wahyu 3:8

Kata'uang-Ku péléng am pahpaayangen niou. Ilekena, ni Aku é nimukamoma um pepenet wia ni kamu, wo zéi'kan siapa zozo' in esa si toro menet niitu. Kata'uang-Ku i ni kamu én zéi'kan tahlos enté'. Taan zozo' in téntu, ni kamu é mahkiit a nuwu'-Ku wo zéi'kan kawisa mahkua in zéi'kan ma'éman ni Aku.