2 Timutius 2:18 - Taaz Weru Witu u Nunuwu'en Tombulu

¹⁸ An tutuzu' kaulitan ém pahséa' néramo. Ni séra é mahtuzu' i sé tou nimatémo é méitoumomé sumaup ni Opo Empung. Karia in téntu, an tutuzu' néra itii é mahkayo' um pa'émanen né tou walina.

2 Timutius 2:18 ပူးပေါင်းရင်းမြစ်များ

Matius 15:13

A si Yesus mingkotla, “An tinanem zéi'kan méitanem ni Ama'-Ku si witi kasendukan ém pakasawuten makaz wana an ahmutna.

Matius 22:29

A si Yesus mingkotla wia ni séra, “Ni kamu é mahsala', pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung!

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Kisah Rasul-rasul 5:39

Taan sa am pahwangunen néra ém wia si Opo Empung a méyé, ni kamu én zéi'kan makawawa in zuméi' ni séra. Lumousé niitu, ni kamu ém woo ikatuzu'mé mahsaru si Opo Empung.” Tumalingamé niitu, a sésésa ni Gamaliel itii é niénéan nérala.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

1 Korintus 15:12

Méipahwoka' nai wia sé tou i si Kristus é nimatémo an itoumé sumaup ni Opo Empung im wia sé nimaté. Kura kahuman im wia ni kamu ém wéwéhan sé mahkua sa sé nimatémo én zéi'kan itou sumaup?

Kolose 3:1

Niitumo, ni kamu sé méitoumé sumaup karia ni Kristus, mahtututu'la i menéro am witi kasendukan, witi tampa ni Kristus i rimumez witu ung kakan ni Opo Empung.

1 Timutius 1:19

Wéwéhan sé woopira tou é soomo mahkiit ung genang weresi néra. Pahpaano niitu ni séra én zéi'mo ma'éman.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.

1 Timutius 6:21

pahpaan wéwéhan sé woopira tou sé mahkua i ni séra ém wéwéhan ang kata'uan. Ni séra ém wa'kato im witu um pa'émanen wia si Yesus. Mengalé-ngaléi uman ung kamang tatambér wo ung kaluasan un até é menaté-natér ni kamu.

2 Timutius 2:14

Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

Titus 1:11

A sumah né tou tanu ni séra é léwo'zéi' im pekipenes, pahpaan lakez sé sana awu pahkayo'en néra karia an tutuzu' towo, makaz am pahkailekan néramé é lakez taan karia in zéi'kan wangun.

Ibrani 3:10

Pahpaano niitu ni Aku én totoz maupi' wia ni séra ang kumua: ‘Sekezé ni séra é soo ing kumiit ni Aku wo ni séra é soo mahwangun a méiatu-Ku.’

Yakobus 5:19

Katuari-katuariku, sa wéwéhan im wia ni kamu si zéi'mo mahkiit ung kaulitan, am wéwéhan si tou walina nimangunla ni sia i nimawurila sumaup witu ung kaulitan,

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.