2 Timutius 2:15 - Taaz Weru Witu u Nunuwu'en Tombulu

¹⁵ Mahtututu'la, wo ko wangun witu u sinaru ni Opo Empung in tou si zéi'kan maizang i mahpaayang wia ni Sia, si zéi'kan mahwuni-wuni i mahwoka' u nuwu' tumoro ung kaulitan itii.

2 Timutius 2:15 ပူးပေါင်းရင်းမြစ်များ

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Markus 4:33

Lakez an aandéan tanu niitu, am pahpakén ni Yesus i mahtuzu' u Nuwu' ni Opo Empung wia ni séra mengiit un toro makatulapan néra,

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

Kisah Rasul-rasul 20:27

Pahpaan ni aku én zéi'kan kawisa wo zéi'kan mahwoka' péléng ang ginenang ni Opo Empung wia ni kamu.

Roma 14:18

Pahpaan séi uman si pakahpaayangna wia si Kristus én tanu niitu, ni sia é nimangun si Opo Empung mahpaa-paaz wo ni sia é sigi'en né kasuat tou.

Roma 16:10

U sigi'ku wia si Apeles. Méikatuzu'mo ung kaezenanna i ma'éman si Kristus. U sigi'ku wia péléng sé witi walé ni Aristobulus.

Roma 6:13

Tia' un awak niou iwéhé ing kawasaan a singkéla' i mangun a léwo'an. Taan iwéhéla un tou niou wia si Opo Empung, tanu si tou im puuna nimatémo wo in tarékan é nimakaileko ung katou-touan weru, wo iwéhémola un awak niou i mahwangun um paaz ni Opo Empung.

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

2 Korintus 10:18

Pahpaan zéi'kan si tou mahlooz un touna in esa si ulit im witu u sinaru ni Opo Empung, taan si tou pahloozen ni Opo Empung.

2 Korintus 3:6

Ni Sia si nimangun ni kai makawawa i maéndo tou maayang a méiatu-Na i mahwoka' um pinataazan weru wia sé tou. Um pinataazan weru itii ém pahpaayangen ni Roh Lenas. Um pinataazan weru itii én zéi'kan am pinantik witu ung kitap Torat. Pahpaan a méipantik witu ung kitap Torat é mahwali sé tou witu um patéan, taan si Roh Lenas é mahwali ni kita witu ung katou-touan.

2 Korintus 4:2

Taan ni kai i mahpaayang én zéi'kan mahwuni-wuni ang kaizangnokané. Ni kai kasii én zéi'kan mahtowo wia sé tou wo zéi'kan mahtuzu' an zéi'kan ulit tumoro u Nuwu' ni Opo Empung. Taan, ni kai mahtuzu' an ulit ing kumiit am paaz ni Opo Empung. Karia in téntu, péléng sé toumokan sé mahtata'ula mengiit ung genang lé'os niou witu u sinaru ni Opo Empung, sa an ipahtuzu' nai ulit kaapa zéi'kan.

2 Korintus 5:9

Niitumo, ni kai im wiapé' un awak nai wia ung kaayahan kenu kaapa im witumo un awak weru witi kasendukan, ni kai é mahtututu' i sekezé é mahwangun si Mahpiara i mahpaa-paaz.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

1 Tesalonika 2:4

Taan si Opo Empung niméhé um paayangen wia ni kai i mahwoka' u Nuwu' Lé'os tumoro si Yesus, pahpaan pahgenangen-Nala i ni kai ém wangun i maayang niitu. Niitumo ni kai i mahnuwu'ma én zéi'kan i mangun un até né tou mahpaa-paaz, taan i mangun un até ni Opo Empung mahpaa-paaz. Ni Sia si mahtata'u un até nai.

1 Tesalonika 5:14

Katuari-katuari, pahaléien nai kasii wia ni kamu im pahnuwu'ala lé'os sé tou soo maayang, enté'ela un até né tou maindé', pahsawangala sé tou wangun i sawangan wo mezenla im wia péléng sé tou.

1 Timutius 4:6

Timotius, niitu péléng én totoz in ipahtuzu'mula wia sé katuari esa pa'émanen, wo séra zéi'kan kumiit an tutuzu' zéi'kan ulit. Karia in téntu, ni ko é maéndo memamaayang ni Kristus Yesus si lé'os uman. Sa ko mangunla un téntu, um pa'émanennu éng kaenté'na pahpaan rengan im puuna é mahkiit an tutuzu' ulit.

Ibrani 4:11

Niitumo, tawimo kita mahtututu'la i muntep witi tampa pahkanaan itii, wo zéi'kan siapa zozo' in esa si zéi'kan méikauntep witi tampa pahkanaan itii pahpaan mahkiit uman am pahwangunen né tou zéi'kan mahtali-talinga si Opo Empung.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

2 Petrus 1:15

Niitumo ni aku én totoz mahtututu' wo niana péléng pegena-genang niou, zozo' ni aku zéi'mo wia ung kaayahan kenu.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.