2 Timutius 2:14 - Taaz Weru Witu u Nunuwu'en Tombulu

¹⁴ Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

2 Timutius 2:14 ပူးပေါင်းရင်းမြစ်များ

Matius 16:26

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Kisah Rasul-rasul 13:10

ang kumua, “É oki' ni tonaas né sétang! Ni ko é mawuta-wuta a léwo'an wo an towo. Ni ko éng kakoro' ang kaulitan. Makaz sawisa u lalan terén ni Opo Empung im pahséa'mu?

Kisah Rasul-rasul 15:24

Ni kai én timalingamola im wéwéhan sé woopira tou im wia ni kai, sé zéi'kan méiatu naima é nimangémo wia ni kamu. Ni séra é nimangunola ni kamu mahzua-zua genang wo nimalinganga karia an tutuzu' néra.

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Galatia 1:7

Un ulitna, u nuwu' lé'os walina tumoro si Yesus itii én zéi'kan ulit Nuwu' Lé'os tumoro si Yesus. Wéwéhan uman sé tou mahlilinganga ni kamu wo sé mahsasawel u Nuwu' Lé'os tumoro si Yesus Kristus karia u nuwu' lé'os tumoro si Yesus un zéi'kan ulit.

Efesus 4:17

Pahpaano niitu, ni aku kumuama wo sumésama wia ni kamu karia ung kawasa ni Mahpiara: Tia'mo kamu menou-nou tanu sé tou zéi'kan mata'u si Opo Empung sé megena-genang uman an zéi'kan siapa torona.

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

2 Tesalonika 3:6

Katuari-katuari, pahaléien nai wia ni kamu witu ung ngaran ni Yesus Kristus Mahpiara, wo ni kamu zumou'mé im wia sé katuari esa pa'émanen sé soo maayang wo zéi'kan mahkiit an tutuzu' méipahtuzu' naimo wia ni kamu.

1 Timutius 1:4

Ikua kasiila wia ni séra in tia'mo mahsirita a sirita zéi'kan ulit wo a sirita tumoro sé nimaopo an zéi'kan siapa akazna. A sirita itii é mahwangun uman am pahéndo-éndoan wo mahsaru uman ung ginenang ni Opo Empung i milot sé tou im witu un ukuman wana a singkéla', ung kinata'uanta mengiité um pa'émanenta wia si Kristus.

1 Timutius 1:6

Taan wéwéhan sé tou sé zéi'mo mahwangun niana péléng wo méilulu um pahéndo-éndoan un zéi'kan siapa torona.

1 Timutius 4:8

I mahnanaram un awak wo enté' ém wéwéhan un torona taan toyo' uman. Taan i mahnanaram un tou i mahragés wia si Opo Empung ém wéwéhan torona im wana am péléng, pahpaan niitu é mahalimé ung kamang witu ung katou-touan in tarékan wo in tumondong.

1 Timutius 5:21

Timotius, witu u saru-sarun ni Opo Empung wo ni Kristus Yesus karia né malaekat pinéléng-Na, uli-ulit pahaléiengkuma wia ni ko: totoz wéhanla genang an tutuzu' kaulitan a mémoituzu'ku wia ni ko karia in zéi'kan meméléng tou wo zéi'kan mahsanaweka.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko:

2 Timutius 1:6

Pahpaano niitu, ni aku é mapagenanga wia ni ko im wuaya-wuayan un tatambér ni Opo Empung um wiamo ni ko, ung kinailekannu i ni aku zimeta'la u lengenku wia ni ko.

2 Timutius 2:16

Taan ma'katla im wana a nuwu' zéi'kan siapa torona wo mahséro' wia si Opo Empung, u mahwangun uman sé tou in zéi'kan pandung wia si Opo Empung.

2 Timutius 2:23

Tia' mahkii-kiit i mahzéi-zéi'an karia né tou lemou pahpaan ni séra én zéi'kan siapa kata'uan. Pahpaan kata'uannumo sa nianamo a mangun am pahkoro'an.

2 Timutius 4:1

Si Kristus Yesus é méyé sumaup wia ung kaayahan in tumotoz ulit kaapa zéi'kan am pahwangunen né tou sé menou-noupé' wo sé nimatémo wo ni Sia éng kumawasa ing Kolano. Pahpaano niitu, totoz im pahaléiengkuma wia ni ko witu u sinaru ni Opo Empung wo ni Kristus Yesus:

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

2 Petrus 1:13

Karegas ni aku i menou-noupé', ni aku é léwo'zéi' mapagenanga niana péléng wia ni kamu.