2 Timutius 2:10 - Taaz Weru Witu u Nunuwu'en Tombulu

¹⁰ Niitumo, ni aku én ezen i nimasaan an zézéha pahpaan sé tou pinéléng ni Opo Empung, wo séra toro ipilot im witu un ukuman wana a singkéla' mengiité si Kristus Yesus, karia u sigi' wo looz makaz ing kauré-uré.

2 Timutius 2:10 ပူးပေါင်းရင်းမြစ်များ

Matius 24:22

Sa un oras itii zéi'kan rewekena ni Opo Empung, zéi'kan siapa zozo' in esa si tou makailek ung katou-touan makaz ing kauré-uré. Taan pahpaan u raraatéan wia sé tou pinéléng-Na, un oras itii é rinewek-Na umana.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:31

Ni Sia é matu sé malaekat-Na i mondola karia i simengoma um pontuang ung karimez un zanina zéi'mo kakuaan. Ni séra é ruméwok péléng sé tou pinéléng-Na im wana péléng saruan, sé witi penpen u langit kasaru makaz witi penpen u langit kasaru.”

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Lukas 22:57

Taan si Petrus é mahkélong uman, kuana, “Ina', zéi'kan kata'uangku Sia!”

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 17:9

Ni séra én ipengaléi-Kuma, zéi'kan sé tou walina sé wia ung kaayahan kenu sé ipengaléi-Kuma, taan wia ni séra sé mémoiwéhé ni Ama' wia ni Aku, pahpaan ni séra é anu ni Ama'.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Roma 9:23

Si Opo Empung kangkasii éng gimenang i mapailek ung kawangko'an-Na u malake-lakez, un iwéhé-Na wia ni kita sé kararaaté-Na. Ni kitamo sé méisanapa'-Na i makailek ung kawangko'an-Na.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

2 Korintus 1:6

Sa kai mahsaru an zézéha, an zézéha nai itii é niéndo ni Opo Empung i mahenté' un até niou wo in tumulung ni kamu. Sa si Opo Empung menté' un até nai, niitu éng karia i mahenté' un até niou. Karia in téntu, ni kamu é makailek ung kaenté'an wo ezen zozo' in zézéha tanu an zézéha pinahpendan naimé.

2 Korintus 12:15

Niitumo, kapaazku i méhé péleng an anuku i sumawang ni kamu, taka-takazan ung katou-touangku én iwéhéku i sumawang ni kamu. Téntu um wangunengku i mapailek i ni aku én totoz rumaraaté ni kamu, taan ni kamu én zéi'kan tahlous rumaraaté ni aku.

2 Korintus 4:15

Péléng niitu é mamuali pahpaan ung kawangunan niou. Niitu mamuali wo lakez sé tou mamé'an ung kamang tatambér-Na. Karia in téntu, kalakezna sé tou mahkua u makasé wia si Opo Empung. Ang kenu é mangun ing kalakezna sé tou mahsigi' si Opo Empung.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

Efesus 3:13

Niitumo, pahaléiengku wia ni kamu in tia' ni kamu zéi'mo siapa pahéré'an in timalingama ni aku nimazéha pahpaan mahwoka' u Nuwu' Lé'os tumoro si Yesus wia ni kamu. Pahpaan an zézéha pinendankumé itii é mangun ni kamu toro mahloo-looz karia ni Yesus Kristus.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

1 Tesalonika 5:9

Ni kita pinéléng ni Opo Empung én zéi'kan in ukumen, taan in ipilot im witu un ukuman wana a singkéla' mengiité si Yesus Kristus Mahpiarata.

2 Tesalonika 2:14

Pahpaano niitu, si Opo Empung én timawahmo ni kamu mengiité u Nuwu' Lé'os tumoro si Yesus u mémoipahwoka' nai wia ni kamu, wo ni kamu toro makailek u sigi' wo looz ni Yesus Kristus, si Mahpiarata.

2 Timutius 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus i mahwoka' un taaz-Na, i sé tou ma'éman si Kristus Yesus é mamenou-nou makaz ing kauré-uré.

2 Timutius 2:1

Timotius oki'ku, enté'ela um pa'émanennu karia ung kamang méitambér pahpaan nimaesa karia ni Kristus Yesus.

2 Timutius 2:3

Ni ko é léwo'zéi' i mazézéha tanu si suraro ni Kristus Yesus si mahtali-talinga wia ni Sia.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.