2 Timutius 1:9 - Taaz Weru Witu u Nunuwu'en Tombulu

⁹ Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

2 Timutius 1:9 ပူးပေါင်းရင်းမြစ်များ

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Lukas 10:21

In toro niitu, si Yesus é mahpaa-paaz wo mawuta-wuta ung kawasa ni Roh Lenas. Ang kuan ni Yesus, “Ni Aku kumuama u makasé wia ni Ko, Ama', Opo Empung u langit wo ung kaayahan. Pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'. Niitu u nimangun un até ni Ama' i mahpaa-paaz.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 17:9

Ni séra én ipengaléi-Kuma, zéi'kan sé tou walina sé wia ung kaayahan kenu sé ipengaléi-Kuma, taan wia ni séra sé mémoiwéhé ni Ama' wia ni Aku, pahpaan ni séra é anu ni Ama'.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Kisah Rasul-rasul 15:18

u mémoipapata'u rengané im puuna.’

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 11:29

Pahpaan si Opo Empung én zéi'kan mamuali in zuméi' an tatambér wo an tatawah-Na.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

Roma 9:24

Ni kitamo sé tinawah-Na, zéi'kan uman kita in tou Yahudi taan kangkasii sé zéi'kan tou Yahudi,

1 Korintus 1:18

Pahpaan im wia sé tou maléwo'en, u Nuwu' Lé'os tumoro si Yesus i nimaté witu u salip éng kalemouan. Taan im wia ni kita sé méipiloté ni Opo Empung im witu un ukuman wana a singkéla', u Nuwu' Lé'os itii un tumuzu'mé i si Opo Empung én totoz mahkawasa.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

Efesus 3:11

Si Opo Empung nimangun niitu mengiit ung ginenang-Na u makaz ing kauré-uré, um winangun-Nama mengiité si Kristus Yesus Mahpiarata.

Filipi 3:14

Ni aku én tanu mahkara' i maayo um papatoroan i makailek ung kukulu, niitu ung katou-touan witi kasendukan. Pahpaan, niitumo ung kalakoan ni kita in tinawah ni Opo Empung mengiité si Kristus Yesus.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

2 Timutius 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus i mahwoka' un taaz-Na, i sé tou ma'éman si Kristus Yesus é mamenou-nou makaz ing kauré-uré.

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.