2 Timutius 1:7 - Taaz Weru Witu u Nunuwu'en Tombulu

⁷ Pahpaan si Opo Empung én zéi'kan niméhémé wia ni kita si roh iindé'en, taan si roh si mahwangun ni kita in enté', rumaraaté si kasuat tou wo toro mahime-imek un tou.

2 Timutius 1:7 ပူးပေါင်းရင်းမြစ်များ

Lukas 10:19

Niitumo, totoz wéhanla genang, ang kawasa é mémoiwéhé-Ku wia ni kamu i luméék sé ulé', sé kalajengking wo kumala ang kawasa né kakoro' niou, si tonaas né sétang itii taka-takazan zéi'kan siapa si toro luméwo' ni kamu.

Lukas 15:17

Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem.

Lukas 24:49

Ni Aku in esa si matu si Roh Lenas wia ni kamu, si mémoitaaz ni Ama'-Ku. Taan ni kamu é léwo'zéi' i mento'ma wia am wanua tua'na kenu akaz ung kawasa ni Opo Empung si witi kasendukan kailekan niou.”

Lukas 8:35

A sé tou mondolé i mamilek u nimamuali itii. Ni séra méyé wia si Yesus an ileken nérala si tou sinelazan né sétang woan itii é rimumezo witu u rété un a'é ni Yesus, ni sia éng kimaraio wo lé'oso. I milekla niitu sé tou itii éng kinaindé'an.

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”

Kisah Rasul-rasul 26:11

Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

Kisah Rasul-rasul 26:25

Taan si Paulus é nimingkotla, “Festus si totoz pahsigi'engku, ni aku ndootuu én zéi'kan pahléla'en! Taan ni aku é mahkua umana an ulit wo ung genangku é lé'o-lé'os uman.

Kisah Rasul-rasul 6:8

Si Stefanus, si mawuta-wuta karia ung kamang méitambér wo ung kawasa ni Opo Empung, mahwangun a makakompo'en wo an zéi'mo kakuaan im wia sé tou lakez.

Kisah Rasul-rasul 9:22

Taan si Saulus éng katulapnamo i mahwoka' wia sé tou i si Yesus é Mesias. Pahpaano niitu, sé tou Yahudi witi Damsyik é nimalinganga wo zéi'mo mata'u kumua ing kura.

Roma 5:5

Wo um pahéré'an én zéi'kan merara un até, pahpaan si Opo Empung timambéré si Roh Lenas wo kita toro mé'an u raraatéan ni Opo Empung.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

1 Korintus 2:4

A méipahwoka'ku én zéi'kan tanu a méipahwoka' né tou tulap i mahenou ni kamu, taan an ipahwoka'ku éng karia ung ketez méiwéhémé ni Roh Lenas.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Kolose 1:8

Ni siamo kasii si nimapata'u wia ni kai tumoro um pinaayang ni Roh ni Opo Empung, u nimangun ni kamu i mahraa-raatéan.

Ibrani 2:15

Karia in téntu, ni Sia é milot sé tou sé kauréna i menou-nou ém pahata-atan pahpaan maindé' um patéan.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Yohanes 4:18

Im witu u raraaté én zéi'kan siapa an ikaindé'. Pahpaan u raraaté nimalekep é moho an ikaindé'. Witu u maindé' ém wéwéhan un ukuman, wo séi si wéwéhan un ikaindé', u raraatéanna én zéi'kan lekep.