2 Timutius 1:6 - Taaz Weru Witu u Nunuwu'en Tombulu

⁶ Pahpaano niitu, ni aku é mapagenanga wia ni ko im wuaya-wuayan un tatambér ni Opo Empung um wiamo ni ko, ung kinailekannu i ni aku zimeta'la u lengenku wia ni ko.

2 Timutius 1:6 ပူးပေါင်းရင်းမြစ်များ

Lukas 19:13

Puunala sia i nimangé, ni sia timawahmé sé ata mapulu' a séra wéhannala tata'saan un zoit mas ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’

Kisah Rasul-rasul 19:6

I si Paulus zimeta'la u lengenna witu un atas néra, an tumumpamé si Roh Lenas wia ni séra. A séra rengan i mahnuwu' karia a nunuwu'en a méiwéhémé ni Roh Lenas wo kasii mahkua a méikuamé ni Opo Empung.

Kisah Rasul-rasul 6:6

Sé pitu tou itii é méisaru nérala wia sé aatu ni Yesus. A sé aatu itii zumeta'la u lengen néra witu um wawo né pitu tou itii a mengaléi wia si Opo Empung.

1 Tesalonika 5:19

Tia' pahapé-apé'an niou um pahpaayangen ni Roh ni Opo Empung.

1 Timutius 4:14

Tia' kaliu-liuzannu i maké an tatambér méiwéhémo ni Roh Lenas wia ni ko mengiité u méikua ni Opo Empung wia sé penatua, i ni séra zimeta'ma a lengen néra wia ni ko.

1 Timutius 4:6

Timotius, niitu péléng én totoz in ipahtuzu'mula wia sé katuari esa pa'émanen, wo séra zéi'kan kumiit an tutuzu' zéi'kan ulit. Karia in téntu, ni ko é maéndo memamaayang ni Kristus Yesus si lé'os uman. Sa ko mangunla un téntu, um pa'émanennu éng kaenté'na pahpaan rengan im puuna é mahkiit an tutuzu' ulit.

2 Timutius 2:14

Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Ibrani 6:2

Téntu kangkasii ni kita é léwo'zéi' i méramé im wana an tutuzu' kataré-taré a nimaéndo to'tolan tumoro u mahsarani, u mezezeta' u lengen i méhé ung kamang wia sé tou, sé nimaté in itou sumaup ni Opo Empung wo tumoro un ukuman makaz ing kauré-uré.

2 Petrus 1:12

Pahpaano niitu, niana péléng sekezé én ipapagenangkuma wia ni kamu, zozo' niana péléng éng kata'uan niouo wo an tutuzu' ulit itii én totoz im pa'émanen niouo.

2 Petrus 3:1

Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.

Yudas 1:5

Zozo' ni kamu én totozo mata'u niana péléng, taan ipapagenangkuma wia ni kamu i si Opo Empung im puuna é nimiloté sé tou-Na im witi tana' Mesir. Taan tumondong niitu im wia sé tou Israel sé zéi'kan ma'éman én zéi'kan méiwaya-Na i menou-nou.