2 Timutius 1:3 - Taaz Weru Witu u Nunuwu'en Tombulu

³ Ni aku éng kumua makasé wia si Opo Empung si pahpaayangangku karia ung genang weresi, tanu um pinahwanguné né nimaopoku. Sekez ni aku mengaléi in endo kaapa im wengi, ni ko ém pegena-genangengku.

2 Timutius 1:3 ပူးပေါင်းရင်းမြစ်များ

Lukas 2:37

niitumo ni sia é mahesa-esamokan. Wo ung katou-touanna in tarékan ém waluna pulu' wo epatna ta'uno. Ni sia sekezé é mahragés wia si Opo Empung witi Walé ni Opo Empung. Endo wo wengi ni sia é mahpuasa wo sekezé é mengaléi.

Kisah Rasul-rasul 22:3

“Ni aku én tou Yahudi, nimatou witi Tarsus witi tana' Kilikia, taan nimatu'a wia um wanua tua'na kenu. Si mésterku é si Gamaliel. Ni sia si nimahtuzu' wia ni aku un ukum Torat u méituzu' ni Musa wia sé nimaopota tou Israel. Niitumo ni aku é ma'ulit i mahwangun ang kapaaz ni Opo Empung masuat wo ni kamu péléng in tarékan kenu.

Kisah Rasul-rasul 23:1

Karia i mahwerenna wia sé tou sé méikauntep witu u Mahkamah Agama si Paulus mahkua, “Katuari-katuari, makaz in endo kenu ni aku é menou-nou karia un até weresi witu u sinaru ni Opo Empung.”

Kisah Rasul-rasul 24:14

Taan ni aku é makaulit wia si tuang i ni aku é mahsigi' wo mahpaayang wia si Opo Empung né nimaopo nai in tou Israel. Ni aku kasii é mahkiit an tutuzu' ni Yesus Mahpiara um pahkuan néra i simala'. Ni aku é ma'éman wana péléng a méipantik witu un ukum Torat wo am pinantik witu ung kitap né nabi.

Kisah Rasul-rasul 24:16

Pahpaano niitu ni aku sekezé é mahtututu' i menou-nou karia un até weresi, witu u sinaru ni Opo Empung wo witu u sinaru né tou.

Kisah Rasul-rasul 26:4

Péléng sé tou Yahudi é mata'u kura ung katou-touangku rengan ni aku in tarétumoupé', pahpaan rengan ing kataré-taré im witi Tarsus makaz ni aku im witi Yerusalem, ni aku é menou-nou karia né tahsasana wanuaku.

Kisah Rasul-rasul 27:23

Pahpaan ing kawengi, si Opo Empung si pahongko-ongkotangku in tou anu-Na é nimatu si malaekat-Na mérimendai witu u rétéku.

Roma 9:1

Un ikuakuma én ulit pahpaan ni aku én anumo ni Kristus, ni aku én zéi'kan mahtowo. Karia ung genang lé'osku um pahahkiten ni Roh Lenas, ni aku éng kumuama u nuwu'ku itii én ulit.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

Galatia 1:14

Tumoro u mahkiit an tinotoz um pa'émanen né tou Yahudi, ni aku é lumousé sé kakaria karenganku sé lakez im wia sé tahsasana wanuaku. Ni aku én uli-ulit mahkiit ang kinanaram né nimaopoku.

Efesus 1:16

ni aku én zéi'kan mazéi' i mapaayo u makasé wia si Opo Empung pahpaan ni kamu. Sekez ni aku i mengaléi, ni kamu én ipahpengaléiku.

1 Tesalonika 3:10

Endo wengi ni kai é ma'ulit i mengaléi wo kai toro mahilekan sumaup karia niou wo toro tumuzu' wia ni kamu i lumekep an zéi'kampé' lekep witu um pa'émanen niou.

1 Timutius 1:19

Wéwéhan sé woopira tou é soomo mahkiit ung genang weresi néra. Pahpaano niitu ni séra én zéi'mo ma'éman.

1 Timutius 1:5

Ung kalakoan u sésésa itii, wo sé tou uli-ulit rumaraaté karia un até weresi, karia ung genang lé'os, wo uli-ulit ma'éman wia si Kristus.

1 Timutius 5:5

Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

2 Timutius 1:5

Kagenangangkula i ni ko én uli-ulit ma'éman wia si Kristus tanu um pa'émanen ing kataré-taré ni nénému Lois wo ni ina'mu Eunike. Wo totoz kata'uangku sa um pa'émanennu én tanu um pa'émanen néra.

2 Timutius 3:15

Gena-genangen, rengané ing koki' ni ko é mata'umo um Pinantik Lenas un toro méhé wia ni ko ang katulapan wo mangun ni ko in ipilot im witu un ukuman wana a singkéla' mengiité um pa'émanennu wia si Kristus Yesus.

Ibrani 13:8

Si Yesus Kristus én zéi'kan nimahwali-walinala, rengané im puuna, in tarékan makaz ing kauré-uré.