2 Timutius 1:18 - Taaz Weru Witu u Nunuwu'en Tombulu

¹⁸ Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

2 Timutius 1:18 ပူးပေါင်းရင်းမြစ်များ

Lukas 1:72

i mapailek u raraatéan-Na wia sé nimaopota wo gimenang un taaz-Na lenas.

Lukas 1:78

pahpaan u raraatéan wo u lé'os ni Opo Empungta. Niitumo, ni Sia é niméyé i milot ni kita im witu un ukuman wana a singkéla'ta masuat wo si endo i mondolé im woondo,

Lukas 8:3

Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

Kisah Rasul-rasul 18:19

A séra ikaayola witi Efesus. Im witu, si Paulus én timula'umé si Priskila wo si Akwila. Si Paulus mengesama i nimuntepa witu um walé peraragésan né tou Yahudi a sumirita karia né tou Yahudi.

Kisah Rasul-rasul 18:21

Ni sia tumuzu'la i mangémo wo kimuama, “Sa kapaaz ni Opo Empung, ni aku é mawurimé sumaup wia'i.” A sia tumula'umé u Efesus.

Kisah Rasul-rasul 19:1

I si Apolos witipé' Korintus, si Paulus é nimakaliklikola am wanua méikazuhu witi tana' itii an ikaayola witi Efesus. Im witi Efesus, ni sia nimahilekan karia né woopira tou ma'éman wia si Yesus.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

1 Korintus 16:8

Taan ni aku i mento' witi Efesus é makaz witu un endo wangko' Pentakosta.

1 Korintus 3:13

Im witu un endo si Opo Empung in tumotoz ulit kaapa zéi'kan am pahwangunen né tou, ung kawangunan um pinaayang ni esa wo ni esa é maikatuzu'. Pahpaan un endo itii é méyé karia un api wo un api itii un tumuzu'mé um pinaayang ni esa wo ni esa im wangun kaapa zéi'kan.

2 Korintus 9:1

Zéi'mo ipantikkuma wia ni kamu tumoro un isawang sé tou linenas ni Opo Empung witi Yudea.

Efesus 2:4

Taan si Opo Empung én totoz lé'os uman taka-takazan niitu é méipapailek-Na karia in totoz rumaraaté ni kita.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Timutius 1:3

I ni aku mahangémo witi Makedonia, ni ko én totoz pinahaléikula i mento'mola witi Efesus, wo ko toro suméro' sé mahtuzu' an tutuzu' zéi'kan ulit wo séra kumana' i mahtuzu' an tutuzu' itii.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 1:16

Mengalé-ngaléi uman si Mahpiara mapaileké u raraatéan-Na wia sé sana awu ni Onesiforus, pahpaan ni séra é makalakezo nimenté' un atéku. Ni sia kasii én zéi'kan maizang i mahileké ni aku im witi bui.

2 Timutius 1:17

Im witi Roma, ni sia é nimahtututu' menéro ni aku makaz i nimahilekan kariaku.

2 Timutius 4:12

Si Tikhikus é mémoiatukuma mangé witi Efesus.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

1 Petrus 1:10

Sé nabi im puuna é nimahtata'umola wo simesikola tumoro kura sé tou ipiloté im witu un ukuman wana a singkéla', u nimaéndomola wua'na um pa'émanen niou, wo ni séra é nimahkuamoma tumoro ung kamang tatambér ni Opo Empung un iwéhé wia ni kamu.

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.