2 Timutius 1:14 - Taaz Weru Witu u Nunuwu'en Tombulu

¹⁴ Wo karia u sasawang ni Roh Lenas si menou-nou witu un atéta, téi-téizan a sangkum totoz wangun a mémoiwéhé wia ni ko.

2 Timutius 1:14 ပူးပေါင်းရင်းမြစ်များ

Lukas 16:11

Niitumo, sa tumoro a sangkum wia ung kaayahan ni kamu én zéi'kan ulit, séi si paaz méhé um paayangen wia ni kamu i mimek u sangkum witi kasendukan?

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Roma 3:2

Im wana péléng am péléng é lakez, un ipahpuu-puuna ém pahpaan sé tou Yahudi itiimo sé tinarawésaan u Nuwu' ni Opo Empung.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.

Roma 8:9

Taan ung katou-touan niou én zéi'kan mahkiit ung kapaaz un awak niou in esa taan mahkiit ung kapaaz ni Roh ni Opo Empung, pahpaan si Roh ni Opo Empung é nimaesamo karia niou. Si tou zéi'kan siapa Roh ni Kristus witu un aténa, ni sia én zéi'kan anu ni Kristus.

1 Korintus 3:16

Zéi'kan kata'uan niou wé i ni kamu ém Walé ni Opo Empung wo si Roh ni Opo Empung é mahento' wia ni kamu.

1 Korintus 6:19

Totoz kata'uan niou sa un awak niou ém walé ni Roh Lenas, si mahento' wia ni kamu. Si Roh Lenas itii é méiwéhé ni Opo Empung wia ni kamu. Niitumo, un tou niou én zéi'mo anu niou, anumo ni Opo Empung.

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Galatia 2:7

Lumousé niitu, in toro niitu kinata'uan nérala i ni aku é winéhan paayangen i mahwoka' u Nuwu' Lé'os tumoro si Yesus wia sé tou zéi'kan Yahudi, tanu si Petrus im winéhan paayangen i mahwoka' u Nuwu' Lé'os tumoro si Yesus wia sé tou Yahudi.

Efesus 2:22

Pahpaan nimaesa karia ni Yesus Kristus ni kamu ém pahwangunen i maéndo walé pahento'an ni Roh ni Opo Empung.

Efesus 5:18

Tia'mo kamu matewelen pahpaan un anggor, pahpaan niitu é luméwo' uman ung katou-touan niou. Taan, tawimo ni kamu kinawasa ni Roh ni Opo Empung.

Kolose 4:11

Wo si Yesus si pahkuan i Yustus kangkasii é mapaayoma u sigi' wia ni kamu. Im wia sé tou Yahudi sé ma'émano wia si Yesus Mahpiara, ni séra telu uman sé in tarékan mahpaayang kariaku i mahwangun a méiatu ni Opo Empung. Ni séramo sé mahenté' un atéku.

1 Tesalonika 5:19

Tia' pahapé-apé'an niou um pahpaayangen ni Roh ni Opo Empung.

1 Timutius 1:11

mengiit u Nuwu' Lé'os ni Opo Empung si wangko' wo pahloozen, tanu u méitarawésamo wia ni aku im paayangengku.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 2:2

An tinalingamumo wia ni aku witu u saru-sarun né tou lakez, itarawésala wia sé tou toro tarawésaan niitu, sé siga' kangkasii i mahtuzu' sé tou walina.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.