2 Tesalonika 1:3 - Taaz Weru Witu u Nunuwu'en Tombulu

³ Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

2 Tesalonika 1:3 ပူးပေါင်းရင်းမြစ်များ

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 17:5

Ang kuan né aatu-Na wia si Tuang, “Enté'en ndootuumé um pa'émanen nai!”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Roma 1:8

Kataré-taré ni aku éng kumuama u makasé wia si Opo Empungku karia u ngaran ni Yesus Kristus pahpaan ni kamu péléng. Pahpaan péléng sé tou, wisa uman ni séra é mahsirita tumoro um pa'émanen niou.

1 Korintus 1:4

Ni aku sekezé é mapaayo u makasé wia si Opo Empungku, pahpaan ni Sia én timambér ung kamang-Na wia ni kamu wo ni kamu é nimaesa karia ni Kristus Yesus.

2 Korintus 10:15

Ni kai én zéi'kan mahlooz un tou nai im wana am pinaayang né tou walina, wana an tampa an zéi'kan tinotoz im pahpaayangan nai. Taan ni kai é mengalé-ngaléi in tumondong sa um pa'émanen niou éng kaenté'namo, ni kai én toro maayang wia ni kamu lumouspé'mé an tampa walina an tinotozo im pahpaayangan nai.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Filipi 1:9

Ung kenumo um pengaléiengku wia si Opo Empung tumoro ni kamu, mengalé-ngaléi uman u raraatéan niou wia sé tou walina éng kalakezna wo ung kata'uan karia ung katulapan niou é malake-lakez im wana am péléng.

1 Tesalonika 3:12

Mengalé-ngaléi uman si Mahpiara é mangun ni kamu kalousna i mahraa-raatéan wo kasii kalousna i rumaraaté sé tou walina, tanu u raraatéan nai wia ni kamu.

1 Tesalonika 3:6

In tarékan si Timotius é nimawurimomé im witi Tesalonika, ni sia é simirita u sirita makapaazen tumoro ni kamu u nimangun ni kai i mahpaa-paaz. Méikuana tumoro um pa'émanen niou wo u mahraa-raatéan niou. Méikuana kasii, sekez ni kamu ikagenangla ni kai, ni kamu é mahpaa-paaz wo paaz i mahilekan sumaup karia nai, tanu ni kai kangkasii ém paaz i mahilekan karia niou.

1 Tesalonika 3:9

Apapé' un ikua naima wia si Opo Empung ing kumua u makasé wia ni Sia pahpaan péléng u mahpaa-paaz, um pahpendanen nai tumoro ni kamu witu u sinaru-Na?

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

2 Tesalonika 2:1

Katuari-katuari, tumoro kura si Yesus Kristus Mahpiarata i méyé sumaup wo kura kasii Sia i ruméwok ni kita i mahwali-wali karia-Na én téntii um pahaléien nai wia ni kamu:

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

2 Petrus 1:13

Karegas ni aku i menou-noupé', ni aku é léwo'zéi' mapagenanga niana péléng wia ni kamu.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.