2 Petrus 3:7 - Taaz Weru Witu u Nunuwu'en Tombulu

⁷ Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.

2 Petrus 3:7 ပူးပေါင်းရင်းမြစ်များ

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 11:22

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukumanpé' wia sé tou witi Tirus wo Sidon u rorak taan un ukuman wia ni kamu.

Matius 11:24

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman né tou witipé' Sodom u rorak taan un ukuman wia ni kamu.”

Matius 12:36

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona.

Matius 24:35

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Markus 6:11

Taan sa wéwéhan sé soo sumungkul ni kamu wo soo tumalinga ni kamu, mondolé im witi tampa néra, itangkaré an awu witu un a'é niou, i mapagenang wia ni séra i si Opo Empung é mukum ni séra.”

Yohanes 12:48

Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan.

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

1 Korintus 3:13

Im witu un endo si Opo Empung in tumotoz ulit kaapa zéi'kan am pahwangunen né tou, ung kawangunan um pinaayang ni esa wo ni esa é maikatuzu'. Pahpaan un endo itii é méyé karia un api wo un api itii un tumuzu'mé um pinaayang ni esa wo ni esa im wangun kaapa zéi'kan.

Filipi 1:28

Niitumo, ni kamu én tia' maindé' wia sé kakoro' niou. Karia séra i nimilekla ni kamu in zéi'kan maindé', niitu tumuzumé i ni séra é maléwo'en ni Opo Empung, wo im wia ni kamu, niitu én tumuzu'mé i ni kamu én ipilot ni Opo Empung im witu un ukuman wana a singkéla'.

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

1 Timutius 6:9

Taan sé tou paaz mawa'ilan, ni séra é méikauntepola witu um pema'waan, niéndo um wetes wo megena-genang uman a lelo léwo' un awak an zéi'kan siapa torona u maluméwo' ni sia. Am pelelo-lelo néra é mangun ni séra makemu wo ikaléwo'.

Ibrani 12:29

Pahpaan si Opo Empungta én tanumokan un api mela'ung.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

2 Petrus 3:12

Ni kamu éng karegas i ma'ento' wo mengalé-ngaléi un endo ni Opo Empung itii é reweké. In toro niitu, un api é luma'ung wo kumemu u langit, wo um pasu'na mangun péléng am witi langit é meno.

1 Yohanes 4:17

Im wana ang kenumo u raraatéan ni Opo Empung nimalekep witu ung katou-touanta, sa kita wuaya i ma'éman im witu un endo si Opo Empung in tumotoz ulit kaapa zéi'kan am pahwangunen né tou. Pahpaan tanu si Yesus Kristus, ni kita kangkasii ém wia ung kaayahan kenu.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.

Wahyu 17:11

Si binatang makaindé'en itii si i makasa ém wiamo taan in tarékan én zéi'mo wia, ni sia é si esaané im wia sé pitu kolano. Ni sia i mawurimé sumaup é maéndo kolano kawalu, taan ni sia zéi'kan mauréma én ikaléwo'mo.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.

Wahyu 21:1

An ilekengkuma u langit weru wo un tana' weru, pahpaan u langit kataré wo un tana' kataré é nimazéi'moma, maan kangkasii un tasik é nimazéi'moma.