2 Petrus 3:2 - Taaz Weru Witu u Nunuwu'en Tombulu

² Kapaazku ni kamu gumenang a méikua né nabi lenas im puuna wo am perénta ni Mahpiara wo si nimilot ni kita im witu un ukuman wana a singkéla', wia sé aatu-Na, an ikua néra wia ni kamu.

2 Petrus 3:2 ပူးပေါင်းရင်းမြစ်များ

Lukas 1:70

Tanu u mémoikua-Na rengané im puuna, wia sé nabi linenas-Na,

Lukas 24:27

A si Yesus mapata'uma wia ni séra a mémoipantik witu péléng um Pinantik Lenas tumoro ni Sia, rengané witu ung kitap pinantik ni Musa makaz wana ang kitap pinantik né nabi.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Kisah Rasul-rasul 10:43

Péléng sé nabi éng kimuamo tumoro ni Sia. Ni séra mahkua im péléng sé tou ma'éman wia ni Sia, a singkéla' néra én ampungan mengiité u ngaran-Na.”

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Kisah Rasul-rasul 3:18

Taan karia in téntu si Opo Empung é limekepola u méikua-Na im puuna mengiité sé nabi, i si Mesias é léwo'zéi' mazézéha.

Kisah Rasul-rasul 3:21

Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

Galatia 6:2

Mahsawa-sawangala i mengali am pengalin! Sa ni kamu nimangunola niana, ni kamu é mahtali-talinga um perénta ni Kristus.

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

1 Timutius 6:14

pahkiitennula lumé'o-lé'os um perénta kenu karia in zéi'kan siapa sinala' wo zéi'kan siapa pahséro'an, makaz witu un oras si Yesus Kristus Mahpiarata i méyé sumaup,

2 Petrus 2:21

Niitumo, tawimo ni séra én zéi'kan nimata'uma an tutuzu' kaulitan ni Opo Empung, taan ung kinata'uan nérakala an tutuzu' itii taan ing kamurian ni séra én timula'ukala am perénta ni Opo Empung a méipahtuzu'mo wia ni séra.

2 Petrus 3:15

Genangenola ung kaezenan ni Mahpiarata én témpo niou in ipilot im witu un ukuman wana a singkéla'. Ang kenu é masuat wo u méipantik ni Paulus an iwéhé wia ni kamu pahpaan ang katulapanna a méitambéré ni Opo Empung wia ni sia. Ni sia éng katuarita esa pa'émanen wo ikararaatéta.

2 Petrus 3:16

Si Paulus kangkasii é mahtuzu' niana wana péléng am pinantikna. Im wana am pinantikna itii ém wéwéhan an tawi zéi'kan katulapan né tou. Ung kalakoan am pinantik an tawi zéi'kan katulapan itiimo un ipahséa' né zéi'kan mata'u apa wo né zéi'kan totoz enté' um pa'émanen. Zéi'kan uman niitu, a Nuwu' ni Opo Empung walina kangkasii én ipahséa' néra. Pahpaan am pahwangunen néra itii, ni séra é maléwo'en ni Opo Empung.

1 Yohanes 4:6

Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

Yudas 1:17

Taan ni kamu katuari-katuari ikararaatéku, gena-genangen a mémoipahkuama né aatu ni Yesus Kristus, Mahpiarata, im puuna.

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”