2 Petrus 3:1 - Taaz Weru Witu u Nunuwu'en Tombulu

¹ Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.

2 Petrus 3:1 ပူးပေါင်းရင်းမြစ်များ

Matius 5:8

Mahpaa-paazola sé tou sé linenas un até néra, pahpaan ni séra é mamilek si Opo Empung.

2 Korintus 13:2

Pahpaan ing kazua ni aku i niméyéma wia ni kamu, niitu é mémoipapagenangkuma wia sé tou memua-muali a singkéla' wo wia péléng sé tou walina. In tarékan ni aku in zou'mé im wia ni kamu, ipapagenangkuma sumaup wia sé tou memua-muali a singkéla' wo wia péléng sé tou walina. Téntii un ikuakuma, i ni aku méyé sumaup ni séra én totoz ukumengku.

1 Timutius 5:22

Tia'mo tahlous rewek ko i zumeta' u lengen wia si tou i méhé wia ni sia um papaayangen i maayang wia si Opo Empung wo tia' ni ko ikarékén wana a singkéla' ni tou itii. Pahwéhanla genang un toumu, wo zéi'kan maéndo séséro'an né tou.

2 Timutius 1:6

Pahpaano niitu, ni aku é mapagenanga wia ni ko im wuaya-wuayan un tatambér ni Opo Empung um wiamo ni ko, ung kinailekannu i ni aku zimeta'la u lengenku wia ni ko.

Ibrani 6:9

Katuari-katuari ikararaatéku, zozo' in téntu un ipahkua naima tumoro ni kamu, taan totoz ing kata'uan nai i ni kamu én zéi'kan tanu un tana' winéhan ni Opo Empung un epa'. Kata'uan nai ni kamu é makailek a lumouspé'mé ung kawangunan niitu. Niitu éng kamang kailekan né tou méipiloté im witu un ukuman wana a singkéla'.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.

2 Petrus 3:17

Taan ni kamu, katuari-katuari ikararaatéku é mata'umo niana. Niitumo mile-ilek én taa kamu ikakiit umanla sé méster towo sé méikalulu pahpaan an tutuzu' towo itii, makaz ni kamu zéi'mo ma'éman im wana an tutuzu' kaulitan.

2 Petrus 3:8

Katuari-katuari ikararaatéku, wéwéhan un totoz ing gena-genangen niou. Im wia si Mahpiara u sana endo é masuat uman wo u sana riwu ta'un, wo u sana riwu ta'un é masuat uman wo u sana endo.

Yudas 1:5

Zozo' ni kamu én totozo mata'u niana péléng, taan ipapagenangkuma wia ni kamu i si Opo Empung im puuna é nimiloté sé tou-Na im witi tana' Mesir. Taan tumondong niitu im wia sé tou Israel sé zéi'kan ma'éman én zéi'kan méiwaya-Na i menou-nou.